+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Áleýmettik kásipkerler salyq jeńildikterine qandaı jaǵdaıda ıe bolady

2021 jylǵy 10 maýsym 12:51
Bólisińiz:
Áleýmettik kásipkerler salyq jeńildikterine qandaı jaǵdaıda ıe bolady

NUR-SULTAN. QazAqparat – Senat spıkeri Máýlen Áshimbaevtyń tóraǵalyǵymen ótken Palata otyrysynda áleýmettik kásipkerlik jáne ınklıýzıvti bilim berý týraly zańdar qabyldandy, dep habarlaıdy QazAqparat tilshisi.

Uqsas jańalyqtar
Saran qalasynda kópbalaly ana «Bastaý Bıznes» grantymen atele ashty ShQO-da pandemııaǵa qaramastan kásipkerler sany 7% ósti

«Qazaqstan Respýblıkasynyń keıbir zańnamalyq aktilerine kásipkerlik, áleýmettik kásipkerlik jáne mindetti áleýmettik medıtsınalyq saqtandyrý máseleleri boıynsha ózgerister men tolyqtyrýlar engizý týraly» zań jobasyna Parlament depýtattarynyń ózi bastamashy bolǵanyn aıtý kerek.

Engiziletin ózgerister men tolyqtyrýlar boıynsha, áleýmettik kásipkerler halyqtyń áleýmettik osal toptary qataryndaǵy óz qyzmetkerlerin oqytyp, biliktiligin arttyrsa, salyq jeńildikterine ıe bolmaq. Sondaı-aq, memleket áleýmettik kásipkerlik nysandaryn ınfraqurylymmen qamtamasyz etýge jáne olarǵa qarjylyq, aqparattyq, konsýltatsııalyq, ádistemelik kómek kórsetýge mindetteledi.

«Memleket basshysy áleýmettik máselelerdi sheshýge, az qamtylǵan azamattar men erekshe qajettilikteri bar adamdarǵa qoldaý kórsetýge únemi kóńil bóledi. Bul turǵyda áleýmettik kásipkerlikti damytýdyń mańyzy zor. Bul ózgerister men tolyqtyrýlardy Senat depýtattary bastamashylyq etkenin jáne daıyndaǵanyn erekshe atap ótken jón. Otandyq zańnamada alǵash ret áleýmettik kásipkerlikke anyqtama berilip otyr», - dedi Máýlen Áshimbaev.

Senat tóraǵasy Memleket basshysynyń tapsyrmalaryn iske asyrý úshin osy Zań aıasynda ekonomıkalyq ósimdi qalpyna keltirý jáne pandemııadan zardap shekken kásipkerlerdi qoldaý boıynsha qosymsha sharalar kózdelgenin atap ótti.

«Zań óńdeý salasyndaǵy jańa kásiporyndarǵa qosylǵan qun salyǵyn 70 paıyzǵa tómendetýdi, óńdeýshi ónerkásiptiń jańa negizgi qorlaryna qaıta ınvestıtsııalanǵan tabysty korporatıvtik tabys salyǵynan bosatýdy kózdeıdi. Sondaı-aq, jeke kásipkerlikti qoldaý úshin arnaıy mobıldik qosymshany paıdalaný arqyly arnaıy salyq rejımi engiziledi. Bul jeke kásipkerler qyzmetiniń jekelegen protsesterin jáne olardyń salyq organdarymen ózara is - qımylyn jeńildetedi», - dedi Senat tóraǵasy.

Sondaı-aq, senatorlar, «Salyq jáne bıýdjetke tólenetin basqa da mindetti tólemder týraly «Qazaqstan Respýblıkasynyń kodeksine» (Salyq Kodeksi), «Salyq jáne bıýdjetke tólenetin basqa da mindetti tólemder týraly «Qazaqstan Respýblıkasynyń Kodeksin (Salyq kodeksi) qoldanysqa engizý týraly «Qazaqstan Respýblıkasynyń Zańyna ózgerister men tolyqtyrýlar engizý týraly» ilespe zańdy qabyldady.

Otyrysta Parlament depýtattarynyń bastamasymen «Qazaqstan Respýblıkasynyń keıbir zańnamalyq aktilerine ınklıýzıvti bilim berý máseleleri boıynsha ózgerister men tolyqtyrýlar engizý týraly» zań qaralyp, qabyldandy.

Zań erekshe bilim berilýine qajettiligi bar adamdardyń qoljetimdi bilimge quqyqtaryn kemsitýsiz iske asyrýǵa jáne olardy oqytýdyń barlyq deńgeılerinde ınklıýzıvti bilim berýmen qamtamasyz etýge baǵyttalǵan.

«Memleket basshysy óz Joldaýynda múmkindigi shekteýli azamattarǵa bilim alý úshin tıisti jaǵdaı jasaýdy tapsyrdy. Sonyń aıasynda Parlament depýtattary osy zańdy arnaıy ázirledi. Bolashaqta bul memlekettiń bilim berý saıasatyn jetildiredi jáne múmkindigi shekteýli azamattardyń eshqandaı kemsitýsiz bilim alýyna teń múmkindikter týǵyzady dep úmittenemiz», - dedi M. Áshimbaev.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT