USD 434.34 EUR 491.93
RUB 5.56 CNY 68.67
Jańalyqtar

Aqtóbede jetim balalar men az qamtylǵan otbasylar baspanaly boldy

2021 jylǵy 30 qarasha 18:17
Bólisińiz:
Aqtóbede jetim balalar men az qamtylǵan otbasylar baspanaly boldy

AQTÓBE. QazAqparat – Aqtóbede 30 otbasy baspanaly boldy. Olar 2007-2008 jyldary páter kezegine turǵan, dep habarlaıdy QazAqparat tilshisi.

Uqsas jańalyqtar
Aqtóbe oblysynda turǵyn úı qurylysynyń 10 myńnan astam ýchaskesine ınjenerlik  jeliler júrgiziledi Aqtóbede baǵa turaqtylyǵy úshin jergilikti taýar óndirýshilerge sýbsıdııa beriledi Qyzylorda qalasynda halyqty baspanamen qamtý kórsetkishi jaqsardy

Tuńǵysh Prezıdent kúni qarsańynda 30 az qamtylǵan otbasy men jetim balalarǵa Nur-Aqtóbe turǵyn úı alabynda salynǵan úıden jańa páterdiń kilti berildi. Saltanatty sharaǵa oblys ákimi Ońdasyn Orazalın qatysty.

Oblys ákimi aqtóbelikterdi kele jatqan merekelerimen quttyqtap, jańa qonys ıeleriniń úılerine tatýlyq pen molshylyq tiledi.
«Táýelsizdiktiń alǵashqy jyldary qıyndyqtar az bolǵan joq. Biz olardy Elbasynyń kóregen saıasatynyń, onyń halyqqa degen senimi men eńbekqorlyǵynyń arqasynda jeńe aldyq. Ekonomıka nyǵaıyp, ınvestıtsııa keldi, kásipkerlik damydy jáne áleýmettik problemalardy sheshýge múmkindik paıda boldy. Qazirgi tańda Aqtóbede 24 myń jerlesimiz úı kezeginde tur. Memleket basshysynyń tapsyrmasymen halyqtyń ál aýqatyn kóterý jáne olardy baspanamen qamtý sharalary qabyldanýda. Bıyl oblysta 1 mln-nan astam sharshy metr paıdalanýǵa berildi. Búgin osy úı paıdalanýǵa berilip otyr. Onyń otyz páteri kezekte turǵandarǵa tıgeni qýantady. Jyl sońyna deıin Aqtóbe men oblys aýdandarynda taǵy da osyndaı úıler beriledi», - dedi oblys ákimi Ońdasyn Orazalın.
Baspana kezeginde turǵan Ulmeken Aqqasanova úsh bólmeli páterge ıe boldy.
«Bizdiń tórt balamyz bar, úlkenim 18-de, kenjemiz 8-de. Buǵan deıin jaldamaly páterde turdyq, týystarymyzdy panaladyq. Ońaı bolǵan joq, endi ózimizdiń baspanamyz bar»,- deıdi ol.
Aıta keteıik, bul úıde 159 páter bar. Onyń 30 páteri jetim balalarǵa bolsa, 129-y halyqtyń áleýmettik osal tobyna tıesili.

«Jaldamaly páter óte yńǵaıly. Talap boıynsha sharshy metrine aı saıyn 100 teńge tóleıdi. Orta eseppen aıyna 5 myń teńge shyǵady. Sonymen birge kommýnaldyq shyǵyny bar», - dedi Aqtóbe qalalyq turǵyn úı qatynastary bóliminiń basshysy Jandos Álimov.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059

MURAǴAT