+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Aqtóbede aýyl turǵyndary jaıylym jer surap júr

2021 jylǵy 31 mamyr 22:37
Bólisińiz:
Aqtóbede aýyl turǵyndary jaıylym jer surap júr

AQTÓBE. QazAqparat – Aqtóbe oblysy, Mártók aýdany, Saryjar aýylynyń turǵyndary jaıylym jer surap otyr, dep habarlaıdy QazAqparat tilshisi.

«Biz óz oıymyzdy ashyq aıtýǵa jınaldyq. Aýyl turǵyndary mal joıýǵa qınalyp otyr. Bul problema ádben qordalandy. 2019 jyldyń sáýir aıynda bastaldy. Sol kezde baqtashylarǵa burynǵy jerge mal jaıýǵa tyıym saldy. Adamdar abdyrap qalyp otyr», - dedi aýyl turǵyny, jergilikti qaýymdastyq tóraǵasy Nurlybek Seıtalın.

Aýyl turǵyndary bul jaıly birneshe memlekettik organǵa habarlama jibergen. Jaýaby kóńilge qonbaǵan soń búgin jınalyp, sheshimin taǵy surady. Qazir aýylda 5 myńnan astam úı bar.

«Bul aýylda 10 jyldan astam ýaqyttan beri turamyn. Biz jumys surap, jeke bastyń qamymen kelmedik. Bútin bir aýyl úshin jaıylym kerek. Qazir mal bir izben baryp, biz izben keledi. Іshetin sý joq. Jeke qojalyqtar ózderiniń aýmaǵyna kirgizbeıdi. Ózim eki qashar satyp aldym, baqqym keledi. Biraq qazir qabyrǵasyn sanaýǵa kelip tur», - dedi Qýanyshbek Jáshibaıuly.

Jergilikti ákimdik buǵan deıin qoldanylmaı jatqan jer telimderin memleketke qaıtarý jumysyn jandandyrýǵa ýáde etip otyr. Bul jumysty bıyl bastaıdy.

«Bul jaıylym suraǵy mınıstrlik belgilegen júktemege baılanysty. Eldimeken mańyndaǵy jer buryn seriktestikke tıesili bolǵan. 2007 jylǵa deıin egin ekti. Keıin paıdalanbaı, kóp bóligi memleketke qaıtaryldy. Sonyń arqasynda Saryjar mańyndaǵy jaıylym 5 myń gektarǵa ulǵaıdy. Bul aýylda 1480 bas iri qara bar. 800-ge jýyǵy analyq bas. Júkteme talapqa saı. Al turǵyndar «sharýa qojalyǵy jerdi aldy» dep otyr. Iá, 2007 jyldan beri bos jatqan jerdi ózge seriktetik 2019 jyly jaldaý quqyǵymen satyp aldy. Al aýyl halqyna 14 myń ga jer bar. Sol jerge mal baǵýǵa bolady», - dedi Mártók aýdany ákiminiń orynbasary Isataı Espaǵambetov.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT