Aqtóbe oblysynda jasóspirimdi naızaǵaı soǵyp, mert boldy
2022 jylǵy 21 mamyr 14:01

Aqtóbe oblysynda jasóspirimdi naızaǵaı soǵyp, mert boldy

AQTÓBE. QazAqparat – Aqtóbe mańynda eki adamǵa naızaǵaı tústi, dep habarlaıdy QazAqparat TJ departamentine silteme jasap.

Qaıǵyly oqıǵa 20 mamyrda Belogorka aýylynda bolǵan. Kóshede kele jatqan 15 jastaǵy jasóspirim men 27 jastaǵy jigitke jaı túsken.

«20 mamyrda saǵat 19:15-te Aqtóbe oblysy Tótenshe jaǵdaılar departamentiniń kezekshi-dıspetcherlik qyzmetiniń basqarý pýltine Belogorka aýylyndaǵy turǵyn úıdiń janynda eki adamǵa naızaǵaı jarqyly túskeni týraly habarlama kelip tústi. Oqıǵa ornyna kelgen boıda 2007 jyly týǵan balanyń kóz jumǵany anyqtaldy, al 27 jastaǵy er adam Aqtóbedegi jedel medıtsınalyq járdem aýrýhanasyna jetkizildi. Qazirgi ýaqytta onyń densaýlyq jaǵdaıy turaqty», - dep habarlady TJ departamentinen.

Aqtóbe oblysynyń Tótenshe jaǵdaılar departamenti qaýipsizdik erejelerin saqtaýdy eske saldy.

Kóshede naızaǵaı oınasa bıik aǵashtar men elektr jelileriniń janynan aýlaq júrý kerek, sýda júzýge tyıym salynady. Sý - elektr ótkizgish, sondyqtan razrıad soqtyǵysqanda, is júzinde aman qalý múmkin emes, qolyńyzǵa uzyn metall zattardy ustap júrý qaýipti, qarmaq, qolshatyr jáne basqalar, metall konstrýktsııalardy ustamańyz jáne olarǵa jaqyndamańyz, telefon soǵýdyń qajeti joq, tipti qurylǵy paıdalanylmasa da, jaı qosylyp tursa da, naızaǵaı soǵý múmkin.


Avtor:
Tilshi

Jańalyqtar

MURAǴAT