+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Aqtaýda dalada 3 saǵat kútken monıtorıng toby túngi klýbtyń esigin buzyp kirdi

2021 jylǵy 2 tamyz 17:05
Bólisińiz:
Aqtaýda dalada 3 saǵat kútken monıtorıng toby túngi klýbtyń esigin buzyp kirdi

AQTAÝ. QazAqparat - Mańǵystaýda monıtorıng tobynyń ókilderi túngi klýbtyń esigin buzyp kirdi, dep habarlaıdy QazAqparat tilshisi.

Mańǵystaý oblysyndaǵy epıdemıologııalyq jaǵdaıdyń kúrt nasharlaýyna baılanysty 30 shilde men 2 tamyz aralyǵynda aımaqtaǵy monıtorıng toptary kúsheıtilgen rejımde jumys istedi.

Túngi reıd barysynda búginge deıin birneshe ret Mańǵystaý oblysynyń bas memlekettik sanıtarııalyq dárigeriniń qaýlysyn óreskel buzǵan «N2O» túngi klýby tekserildi.

Osy kúnge deıin atalǵan oryn tarapynan birneshe márte zań buzýshylyqtar oryn alǵan bolatyn.

Monıtorıng tobynyń múshesi Anar Shamshadınovanyń aıtýynsha, osy klýbta kontserttyń ótetindigi jóninde afısha tarap, vatsap jelisi arqyly klýb ishindegi vıdeolar kelgen.

Olar ǵımaratqa barǵan kezde dalada qatty mýzykanyń daýysy estilip turǵan.

Alaıda, kúzetshiler monıtorıng top múshelerin ishke kirgizbeı 3 saǵat dalada kútýge májbúr bolǵan.

«31 shilde kúni monıtorıng tobymen birge «N2O» túngi klýbyna bardyq. Sol kezde esigi tars jabyq turdy. Іshte qatty oınaǵan mýzykanyń daýysy estildi. Qolmen ustaǵanda esik dirildep, ishtegi jaıdan habar berip turdy. Eń ókinishtisi, klýb qyzmetkerleri monıtorıng top múshelerin kóre tura, eshqandaı jaýap bermeı, elemeýi - uıat nárse. Eń sońynda quzyrly organ ókilderi kelip, qulypty buzýǵa týra keldi. Sebebi, monıtorıng top múshelerine ishte kóńil kóteretin sharalardyń ótip jatqany týraly habarlamalar kelip jatty. Alaıda ishke kirgenimizde adamdardy kóre alamadyq. Olar biz syrtta turǵan ýaqyttyń ishinde adamdardy jasyryp, basqa esikter arqyly qashyryp jibergen. Biz «esikti nege ashpadyńyzdar?» dep suraǵanda « estimedik» dep jaýap berdi. Biz 5 mınýt esik qaǵyp, ashpaǵannan keıin ǵana qulypty buzǵan joqpyz. 3 saǵat esik aldynda turǵannan keıin esikti buzýǵa týra keldi», - dedi Anar Shamshadınova.

Aıta keteıik, monıtorıng toptary sońǵy 3 táýlikte oblys boıynsha 256 nysanǵa reıd jasady.

Nátıjesinde karantın talaptaryn saqtamaǵan 57 kásipkerge ákimshilik hattama toltyryldy.

Onyń ishinde 47 kásipkerlik nysan Aqtaý qalasynyń aýmaǵynda ornalasqan.

Aıta keteıik, karantın talaptaryn buzǵandarǵa Ákimshilik quqyq buzý kodeksiniń 425 baby boıynsha jeke tulǵaǵa 40 AEK kóleminde aıyppul salý qarastyrylǵan.


Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT