+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Akademık Serik Qırabaev dúnıeden ozdy

2021 jylǵy 26 qazan 08:55
Bólisińiz:
Akademık Serik Qırabaev dúnıeden ozdy

ALMATY. QazAqparat - Kórnekti ádebıettanýshy ǵalym, synshy, akademık Serik Qırabaev dúnıeden ozdy, dep habarlaıdy QazAqparat.

Qaraly habardy aqyn Serikzat Dúısenǵazy áleýmettik jeli arqyly jetkizdi.

Fılologııa ǵylymynyń doktory, akademık Serik Qırabaev 95 jasqa qaraǵan shaǵynda dúnıe saldy.

Serik Smaıyluly Qırabaev 1927 jyly 23 naýryzda Qaraǵandy oblysy, Jańarqa aýdany, Atasý aýylynda týǵan.

1951 jyly Abaı atyndaǵy Qazaq pedagogıkalyq ınstıtýtyn bitirgennen keıin aspırantýrada oqı júrip, Qazaqtyń memlekettik kórkem ádebıet baspasynyń aǵa redaktory, «Ádebıet jáne ıskýsstvo» jýrnalynyń bólim meńgerýshisi bolyp istegen.

1952–1955 jyldary «Pıoner» jýrnalynda redaktor, 1955–1958 jyldary. «Sotsıalıstik Qazaqstan» (qazirgi «Egemen Qazaqstan») gazetinde meńgerýshi, redaktsııalyq alqa múshesi boldy.

1958 jyldan Abaı atyndaǵy Qazaq pedagogıkalyq ınstıtýtynda 30 jyl boıy dotsent, professor, fılologııa fakýltetiniń dekany, qazaq ádebıeti kafedrasynyń meńgerýshisi, ınstıtýt rektorynyń oqý isin basqaratyn orynbasary qyzmetterin atqardy.

1988–1995 jyldary Qazaq KSR ǴA-nyń M.O.Áýezov atyndaǵy Ádebıet jáne óner ınstıtýtynyń dırektory, keıinnen bólim meńgerýshisi boldy.

Fılologııa ǵylymynyń doktory (1964), professor (1966), KSRO Pedagogıka ǵylymdary akademııasynyń korrespondent-múshesi (1968), QR UǴA-nyń akademıgi (1994), Qazaqstan jáne Qyrǵyzstan respýblıkalary ǵylymynyń eńbek sińirgen qaıratkeri (1977, 1995), Qazaqstan Respýblıkasy Memlekettik syılyǵynyń ıegeri (1996).

Qazaq ádebıetiniń ózekti máselerine arnalǵan syn maqalalary men retsenzııalary 1948 jyldan bastap jaryq kóre bastady. Sodan bergi ýaqytta 800-den astam ádebı-syn ǵylymı maqalalary men eńbekteri jaryq kórdi.

Qazaq KSR Joǵarǵy Keńesiniń «Qurmet» Gramotasymen, KSROnyń «Eńbek Qyzyl Tý» Ordeni, KSROnyń «Halyqtar Dostyǵy» Ordenimen marapattalǵan.

1994 jyly Qazaqstan Respýblıkasynyń Ulttyq ǵylym akademııasynyń akademıgi, 1995 jyly «Qyrǵyz Respýblıkasynyń Eńbek sińirgen ǵylym qaıratkeri ataǵy berildi.

1996 jyly Qazaqstannyń memlekettik syılyǵynyń ıegeri atandy.

2005 jyly «Qazaqstannyń eńbek sińirgen qaıratkeri» qurmetti ataǵynyń ıegeri.

2007 jyldyń 30 naýryzynda QR Tuńǵysh prezıdenti – Elbasy Nursultan Ábishuly Nazarbaevtyń jeke qabyldaýynda bolyp, qazaq ǵylymyna sińirgen aıryqsha eńbekteri úshin elimizdiń eń joǵarǵy «Otan» jáne 2012 jyly ІІ dárejedegi «Barys» ordenderimen marapattalǵan.


Bizdiń kanalymyzǵa jazylyńyz:

#Qoǵam  
Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT