+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Aıda Balaeva «Ulttyq rýhanı jańǵyrý» týrasynda: Ár joba saraptamadan ótti

2021 jylǵy 21 qazan 16:43
Bólisińiz:
Aıda Balaeva «Ulttyq rýhanı jańǵyrý» týrasynda: Ár joba saraptamadan ótti

NUR-SULTAN. QazAqparat – QR Aqparat jáne qoǵamdyq damý mınıstri Aıda Balaeva «Ulttyq rýhanı jańǵyrý» ulttyq jobasyn qarjylandyrý jumystaryn aıtty, dep habarlaıdy QazAqparat tilshisi.

«Kóbisin jobany qarjylandyrý máselesi qyzyqtyryp otyr. Osy oraıda ulttyq jobanyń shoǵyrlandyrylǵan bıýdjeti 119 mlrd teńgeni qurady. Joba 2025 jylǵa deıin júzege asyrylady», - dedi A. Balaeva Ortalyq kommýnıkatsııalar qyzmetinde.

Onyń sózine qaraǵanda, bul somanyń negizgi bóligi respýblıkalyq bıýdjetten bólinedi, ıaǵnı 110 mlrd teńge eskerilgen. Al 9 mlrd teńge jergilikti bıýdjetten qarastyrylǵan. Baǵyttalatyn ár teńgeni mamandar eseptep, ár joba tyńǵylyqty qarjylyq saraptamadan ótken. Osy jobalardy júzege asyrý barysy únemi turaqty baqylaýda bolady. Sonymen qatar jobany júzege asyrý kezinde ınvestıtsııalar da tartylmaq.

«Bul Ulttyq joba aıasynda atqarylatyn kóp jumystyń negizgi baǵyttary ǵana. Joǵaryda aıtqanymdaı, ony iske asyrý úshin úsh birdeı mınıstrliktiń kúshi jumyldyrylyp, naqty nátıjelerge qol jetkizetin bolamyz. Al endi tutastaı alǵanda, Joba qoǵamdyq sanany jańǵyrtý men strategııalyq mindetterdi sheshýdegi ýaqyt synaǵyna laıyqty jaýap beretin qujat bolatynyna biz senimdimiz», - dedi vedomstvo basshysy.

Budan buryn habarlanǵandaı, A.Balaeva «Ulttyq rýhanı jańǵyrý» Ulttyq jobasynyń negizgi maqsatyn aıtty. Ulttyq jobadaǵy ekinshi baǵyt«El Rýhy» dep atalady jáne mádenıet salasynda qyzmetterdiń qoljetimdigin arttyrý boıynsha is-sharalar keshenin qamtıdy. Sonymen qatar mınıstr memlekettik tilge qoǵamnyń suranysy artyp kele jatqanyn atap ótti.



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT