Afrıkada sý tasqynynan 46 adam mert boldy
2022 jylǵy 26 qańtar 16:04

Afrıkada sý tasqynynan 46 adam mert boldy

AMMAN. QazAqparat – Afrıka qurlyǵynyń ońtústik-shyǵys jaǵalaýynda «Ana» tropıkalyq daýylynan sý tasqyny bolyp, 46 adam mert boldy, dep habarlaıdy QazAqparat tilshisi AR-ǵa silteme jasap.

Tsıklon saldarynan sý tasqyny bolyp, elektr jaryǵy sóngen jáne adamdar qaza tapty.

«Aldyn ala baǵalaý boıynsha, tabıǵı apat saldarynan 46 adam qaza bolyp, 49-y túrli jaraqat aldy, 65 myń adam baspanasyz qaldy. Jalpy, Ana saldarynan 500 myńnan astam adam zardap shekti», - delingen Madagaskar, Mozambık jáne Malavı bıliginiń málimdemesinde.

Malavıdiń ońtústiginde sý tasqynynan kóptegen úıler qırady. . Adamdar shirkeý men mektepterdi panalaýda. Qazirgi tańda izdeý-qutqarý tody qurylyp, adamdarǵa kómek kórsetilip jatyr.

Avtory: Arsen Ýteshev


Jańalyqtar

MURAǴAT