+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Adamdar toıǵa barmaǵannan ólmeıdi, toıǵa baryp, vırýs juqtyrǵannan óledi - ákim

2021 jylǵy 28 shilde 19:56
Bólisińiz:
Adamdar toıǵa barmaǵannan ólmeıdi, toıǵa baryp, vırýs juqtyrǵannan óledi - ákim

AQTAÝ. QazAqparat - Aqtaýda koronavırýs ınfektsııasynyń taralýynyń aldyn alý jáne boldyrmaý jónindegi óńirlik shtabtyń kezekti otyrysy ótti, dep habarlaıdy QazAqparat tilshisi.

Uqsas jańalyqtar
Koronavırýsten emdelip jatqan 895 adamnyń jaǵdaıy aýyr -DSM 2202 adam koronavırýs ınfektsııasynan jazylyp shyqty Qazaqstanda ótken táýlikte 1878 adamnan koronavırýs anyqtaldy

Epıdemıologııalyq jaǵdaı jaıynda baıandaǵan oblys ákiminiń orynbasary Gúlmıra Qalmuratova aýrý juqtyrǵandar sanynyń kún saıyn kóbeıip jatqanyn aıtty.

«Jaǵdaı qıyn. Aýyr haldegi naýqastardyń sany ósýde. Bir táýlik ishinde 267 ınfektsııa juqtyrǵandar anyqtaldy. Sońǵy eki kúnde 24 adam qaıtys boldy. Oblystyń 15 statsıonarynda 944 adam emdelýde. Shilde aıynyń basynda shamamen 200 adam aýyrǵan bolsa, aıdyń sońyna taman aýyrǵandar sany 5 ese ósti. Aýyrǵandardyń 99% -y koronavırýs ınfektsııasyna qarsy ekpe almaǵandar ekenin atap ótken jón»,-dedi G.Qalmuratova.

Oblystaǵy statsıonarlarda 2 673 ınfektsııalyq jáne 138 reanımatsııalyq tósek-oryn bar. Infektsııalyq tósekter - 52%, reanımatsııalyq tósekter - 74% deıin tolǵan.

Búginde Mańǵystaýda 120 mobıldi brıgada jumys isteýde. Atalǵan brıgadalardyń kómegimen 44 980 patsıent úıde dári-dármekpen qamtamasyz etildi, 72 myńǵa jýyq sımptomsyz adamǵa qońyraý shalynyp, kómek kórsetildi. Qazirgi ýaqytta 5 969 azamat baılanysta bolǵandar retinde ambýlatorııalyq baqylaýǵa alynǵan.

Biraq bul áli de jetkiliksiz. Óńir basshysy alǵashqy medıtsınalyq-sanıtarlyq kómek jumysyn kúsheıtýdi tapsyrdy.

«Aýrý anyqtaldy ma, tezdetip emdeý kerek. Keıbir azamattardyń dárigerlerdiń baqylaýymen emdelýdi qalamaǵanyna qaramastan, aýyr jaǵdaıǵa jetkizbeı, aýrýdy erte kezeńderde anyqtaý qajet. ıAǵnı, oblystyń árbir turǵynymen baılanys ornatyp, jumys júrgizý kerek. Táýekel tobyndaǵy naýqastardy, ásirese qart adamdardy baqylaý qajet. Azamattarǵa ózin-ózi emdeýdiń zııany týraly jetkizý mańyzdy», - dedi S.Trumov.

Oblys ákimi monıtorıng toptarynyń jumysyn da synǵa alyp, reıd sharalaryn barynsha kúsheıtýdi tapsyrdy. Bul jumystarǵa «Nur Otan» partııasyn, máslıhat depýtattaryn, polıtsııa qyzmetkerleri men barlyq jergilikti atqarýshy organdy jumyla kirisýge shaqyrdy.

«Adamdar toıǵa barmaǵannan ólmeıdi, kerisinshe, toıǵa baryp, vırýs juqtyrǵannan óledi. Adamdar sol jerde jınalyp, bir-birine aýrý juqtyrady. Bireýdiń ómirin saqtap qalýǵa úles qosýymyz qajet. Biz bul baǵytta birlese áreket etip, jumysty kúsheıtýimiz kerek»,- dep atap ótti aımaq basshysy.

Sarapshylar tek ujymdyq ımmýnıtet jaǵdaıdy nyǵaıtyp, halyqtyń densaýlyǵyna júktemeni aıtarlyqtaı tómendetedi dep birneshe ret aıtqan bolatyn.

Búgingi tańda 95 086 óńir turǵyny I komponentpen, 55 333 adam II komponentpen egildi. Bul oblys halqynyń 30%-ynan sál artyq.

«Barlyq orynbasarlar men aýdan, qala ákimderine jumysty kúsheıtýdi tapsyramyn. Halyqqa vaktsınatsııalaýdyń mańyzdylyǵyn túsindirý kerek. Ekpeniń kómegimen ǵana biz otbasymyzdy álemdi jaılaǵan indetten qutqara alamyz», - dedi S.Trumov.

Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT