24 qańtardan mektepter men JOO-lar oflaın oqýǵa kóshedi - Bilim mınıstrligi
2022 jylǵy 19 qańtar 22:19

24 qańtardan mektepter men JOO-lar oflaın oqýǵa kóshedi - Bilim mınıstrligi

NUR-SULTAN. QazAqparat - 24 qańtardan bastap Qazaqstan boıynsha barlyq bilim berý uıymy dástúrli túrde jumys isteıtin bolady, dep habarlaıdy QazAqparat.

Buǵan deıin jazǵanymyzdaı, búgin Qazaqstanda koronavırýs ınfektsııasynyń taralýyna jol bermeý jónindegi vedomstvoaralyq komıssııa osyndaı sheshim qabyldaǵan bolatyn.

QR Bilim jáne ǵylym mınıstrliginiń málimetinshe, bilim berý uıymdarynyń jumys algorıtmi kelesideı:

- mektepke deıingi uıymdar (balabaqshalar) balalardy ata-analarynyń ótinishi boıynsha qabyldaıdy;

- 600 balaǵa deıin oqýshysy bar jalpy bilim beretin mektepterde –tolyqqandy oflaın oqý uıymdastyrylady;

- 600-den astam oqýshysy bar mektepterde oflaın oqytý kezinde tolymdyq jobalyq qýattyń 50% aspaýy tıis. Bul jaǵdaıda BǴM 1-4 synyp oqýshylaryn olardyń jas erekshelikterin eskere otyryp, dástúrli formatta oqytýdy usynady. Sebebi bastaýysh synyp balalaryna qashyqtan bilim alý qıynǵa soǵady;

- 5-11 synyp oqýshylary – mektep ákimshilikterine balalardy shtatty formatta oqytý, aýysymdar men ishki aýysymdardyń jumysyn uıymdastyrý, keıbir pánder boıynsha sabaqtardy qashyqtan oqytý formatyna aýystyrý týraly ata-analardyń ótinishterin eskerý usynylady.

Al mektepterden tys uıymdardaǵy oqý: jeke sabaqtar tolyqqandy oflaın formatta, 15 adamǵa deıingi toptyq sabaqtar – shtattyq rejımde, múmkindigi shekteýli balalarǵa arnalǵan túzetý kabınetterinde (ortalyqtarda) – jeke sabaqtar men 8 adamǵa deıingi toptyq sabaqtar – shtattyq rejımde júrgiziledi.

Elimizdiń kolledjderi men JOO-larynda oqytý aralas formatta: praktıkalyq, labaratorlyq, semınar sabaǵy, óndiristik is-tájirıbe – shtattyq rejımde, dárister – onlaın formatta ótedi.


Jańalyqtar

MURAǴAT