21 mamyr. Týǵan kún ıeleri
2022 jylǵy 21 mamyr 08:10

21 mamyr. Týǵan kún ıeleri

NUR-SULTAN. QazAqparat - Búgin, ıaǵnı 21 mamyrda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

64 jyl buryn (1958) Qazaqstan Respýblıkasynyń memleket qaıratkeri, dıplomat Alekseı ıÝrevıch VOLKOV dúnıege keldi.

Almaty qalasynda týǵan. S.M.Kırov atyndaǵy Qazaq Memlekettik ýnıversıtetin, Malaızııa Dıplomatııa jáne halyqaralyq qatynastar ınstıtýtynyń kýrstaryn bitirgen. Tarıh ǵylymdarynyń kandıdaty. Eńbek joly: 1981-1991 jyldar aralyǵynda Qazaq Polıtehnıkalyq ınstıtýtynda jáne Qazaq Memlekettik ýnıversıtetinde ǵylymı-zertteý jumystarymen aınalysqan. 1991-1992 jyldary - Qazaqstan Respýblıkasynyń Halyqqa bilim berý mınıstrliginde konsýltant bolyp jumys atqarǵan. 1992 jyldan bastap Qazaqstan Respýblıkasy Syrtqy ister mınıstrligi júıesinde qyzmet atqarady. 1992 jyldan - BUU bóliminiń ekinshi hatshysy, birinshi hatshysy, meńgerýshisi. 1994 jyldan - BUU jáne arnaýly halyqaralyq uıymdar basqarmasynyń bastyǵy. 1996 -1999 jyldary -Qazaqstan Respýblıkasynyń Shveıtsarııa Konfederatsııasyndaǵy Elshiliginiń keńesshisi, keńesshi-ýákıýıýili, Jenevadaǵy BUU bólimshesi janyndaǵy Qazaqstan Respýblıkasynyń Turaqty Ókiliniń orynbasary (Shveıtsarııa Konfederatsııasy). 1999 -2003 jyldary - Qazaqstan Respýblıkasy Prezıdentiniń kómekshisi hatshylyǵynyń basshysy, Qazaqstan Respýblıkasy Prezıdenti Ákimshiligi keńsesiniń memlekettik ınspektory. 2003-2005 jyldary - Qazaqstan Respýblıkasy Syrtqy ister mınıstriniń orynbasary. 2005-2012 jyldary - Qazaqstan Respýblıkasynyń Polsha Respýblıkasyndaǵy Tótenshe jáne Ókiletti Elshisi. 2012-2016 jyldary Qazaqstan Respýblıkasy Syrtqy ister mınıstriniń orynbasary qyzmetin atqardy. 2016-2021 jyldary Grekııadaǵy Qazaqstan Respýblıkasynyń Tótenshe jáne Ókiletti Elshisi. Tótenshe jáne Ókiletti Elshi dıplomattyq dárejesi bar.

55 jyl buryn (1967) Qazaqstan Respýblıkasy Tuńǵysh Prezıdentiniń kómekshisi Abaı Aıdarhanuly BISEMBAEV dúnıege keldi.

Kókshetaý (qazirgi Aqmola) oblysynda týǵan. M. V. Lomonosov atyndaǵy Máskeý memlekettik ýnıversıtetin, T. Rysqulov atyndaǵy Qazaq Memlekettik basqarý akademııasy janyndaǵy naryq ınstıtýtyn bitirgen. Eńbek joly: Qazaqstan Ǵylym Akademııasynyń syrtqy ekonomıka ortalyǵynyń kishi ǵylymı qyzmetkeri (1992); QR Memlekettik múlik komısssııasynyń jetekshi mamany, bólim bastyǵy, buqaralyq jekeshelendirý basqarmasynyń bastyǵy (1992-1994); QR Mınıstrler Kabıneti is basqarmasy aýmaqtyq damý bóliminiń bas ınspektory (1994); QR Prezıdenti janyndaǵy Ekonomıkalyq kenesshiler keńesiniń qyzmetkeri (1994-1995); QR Baǵaly qaǵazdar jónindegi ulttyq komıssııasynyń múshesi (1995-1996); «Memlekettik azyq-túlik kelisim-shart korporatsııasy» respýblıkalyq memlekettik kásipornynyń vıtse-prezıdenti (1996-1997); «Azyq-túlik kelisim-shart korporatsııasy» aktsıonerlik qoǵamynyń birinshi vıtse-prezıdenti (1999-2006); QR Prezıdenti Іs basqarýshysynyń orynbasary (2006-2012); QR Prezıdenti Іs Basqarýshysy (2012-2019). «Qurmet» ordenimen, «Eren eńbegi úshin»medalimen marapattalǵan. 2022 jyly naýryzdan bastap qazirgi laýazymynda.

52 jyl buryn (1970) Almaty qalasynyń ákimi Erbolat Asqarbekuly DOSAEV dúnıege keldi.

Almaty qalasynda týǵan. Almaty energetıkalyq ınstıtýtyn, Baýman atyndaǵy Máskeý Memlekettik tehnıkalyq ýnıversıtetin bitirdi. Eńbek joly: 1997 jyly - «Turan Álem Banki» JAQ Basqarma tóraǵasynyń orynbasary, «ATF Bank» Basqarma tóraǵasy; 1998 jyly - Qazaqstan Respýblıkasy Premer-Mınıstri keńesshisi; 1998 jyly - Qazaqstan Respýblıkasy Energetıka, ındýstrııa jáne saýda vıtse-mınıstri; 2000 jyly - Qazaqstan Respýblıkasy Qarjy vıtse-mınıstri; 2001 jyly - Qazaqstan Damý banki Dırektorlar keńesiniń tóraǵasy; 2001-2003 jyldary - Qazaqstan Respýblıkasy Tabıǵı monopolııalar, básekelestikti qorǵaý jáne shaǵyn bıznesti qoldaý agenttiginiń tóraǵasy; 2003-2004 jyldary - Qazaqstan Respýblıkasy Qarjy mınıstri; Qazaqstandaǵy Eýropalyq qaıta qurý jáne damý bankiniń basqarýshysy; Qazaqstan Respýblıkasy Ulttyq Bankiniń basqarma múshesi; 2004-2006 jyldary - Qazaqstan Respýblıkasy Densaýlyq saqtaý mınıstri; 2006-2012 jyldary «Qazınvestbank» AQ Dırektorlar Keńesiniń tóraǵasy; 2012-2013 jyldary Qazaqstan Respýblıkasy Ekonomıkalyq damý jáne saýda mınıstri. 2013-2014 jyldary QR Ekonomıka jáne bıýdjettik josparlaý mınıstri. 2014-2016 jyldary Qazaqstan Respýblıkasynyń Ulttyq ekonomıka mınıstri. 2016-2017 jyldary «Báıterek» Ulttyq basqarýshy holdıng» AQ basqarma tóraǵasy. 2017-2019 jyldary - Qazaqstan Respýblıkasy Premer-Mınıstriniń orynbasary. 2019-2022 jyldary Qazaqstan Respýblıkasy Ulttyq bankiniń tóraǵasy. Qazirgi qyzmetinde 2022 jyldyń qańtar aıynan beri.

48 jyl buryn (1974) Qazaqstan Respýblıkasy Parlamenti Májilisiniń VII shaqyrylym depýtaty, Zańnama jáne sot-quqyqtyq reforma komıtetiniń múshesi Maqsat Bazaralyuly RAMANQULOV dúnıege keldi.

Shymkent qalasyndaǵy Qazaq hımııa-tehnologııa ınstıtýtynyń (QazHTI), MAHÓ (mashınalar, apparattar, hımııa óndirisi) fakýltetin, D. Qonaev atyndaǵy ýnıversıtettiń zań fakýltetin, Memlekettik zań ýnıversıtetin (QazMZÝ) bitirgen. Eńbek joly: 1997-2001 jyldary – Shymkent kólik prokýrorynyń kómekshisi. 2001 jylǵy sáýirden qyrkúıekke deıin Ońtústik-Shyǵys kólik prokýratýrasynyń ishki qaýipsizdik jónindegi aǵa prokýrory bolyp jumys istedi. 2001-2003 jyldary – Qazaqstan Respýblıkasy Bas prokýratýrasynyń janyndaǵy Quqyqtyq statıstıka jáne aqparat ortalyǵynyń bastapqy esepke alý jáne statıstıkalyq eseptilik qujattaryn ázirleý bóliminiń prokýrory. 2003-2004 jyldary – «Altaır SK-7» JShS qurylys kompanııasynyń top-menedjeri, kommertsııalyq dırektory. 2004-2010 jyldary – «BGM» JShS dırektory. 2010-2020 jyldary – óziniń jekemenshik «Mabex Trade LTD» JShS qurylys kompanııasynyń Bas dırektory. Qazirgi qyzmetinde 2021 jyldyń qańtar aıynan bastap. «Qurmet» ordenimen, «Qurmetti qurylysshy», «Eńbegi úshin», «Toǵyzqumalaqty damytýǵa qosqan úlesi úshin», «Ekonomıka men jeke kásipkerlikti damytýdaǵy erekshe eńbegi úshin» medaldarymen marapattalǵan.

38 jyl buryn (1984) Qazaqstan Respýblıkasy Parlamenti Májilisiniń VII shaqyrylym depýtaty, Áleýmettik-mádenı damý komıtetiniń múshesi Álııa Maratqyzy ÁBSEMETOVA dúnıege keldi.

Turan -Astana ýnıversıtetiniń «halyqaralyq ekonomıst» mamandyǵy boıynsha, ál-Farabı atyndaǵy Qazaq ulttyq ýnıversıtetin «jýrnalıstıka» mamandyǵy boıynsha bitirgen. Eńbek joly: «Uzyn.kz» aqparattyq saıttyń bas redaktory bolyp jumys istegen, medıa-volonter, Qazaqstan Respýblıkasy Jýrnalıster odaǵynyń múshesi, QHA-nyń Almaty oblysy boıynsha analar Keńesiniń múshesi, 2030-TDM Qazaqstannyń aýyldyq áıelderiniń arasyndaǵy kóshbasshysy, táýelsiz jýrnalıst qyzmeti úshin «Shapaǵat» memlekettik nagradasymen marapattalǵan jáne meıirimdi analyq júregi úshin «Dede Gorgýd» halyqaralyq qoǵamdyq qorynyń «Mehriban Ana» ordeniniń ıegeri. Qazirgi qyzmetinde 2021 jyldyń qańtar aıynan bstap.


Avtor:
Tilshi

Jańalyqtar

MURAǴAT