2025 jyly 4 myń shaqyrym avtojol aqyly bolady
2022 jylǵy 17 mamyr 12:55

2025 jyly 4 myń shaqyrym avtojol aqyly bolady

NUR-SULTAN. QazAqparat – 2025 jyldyń sońyna deıin 4 myń shaqyrym jolǵa aqyly júıe engiziledi. Bul týraly QR Indýstrııa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy QazAqparat tilshisi.

Onyń aıtýynsha, aqyly tólem júıesi rekonstrýktsııalanǵan joldardy normatıvtik jaǵdaıda kútip-ustaý shyǵyndaryn tolyq kólemde óteýge jáne respýblıkalyq bıýdjetke júktemeni azaıtýǵa múmkindik beredi.

«Aqyly jol rekonstrýktsııalaý nemese jol-jóndeý jumystarynan keıin engiziledi. Bul jol qaýipsizdigi men onyń qolaılylyǵyn qamtamasyz etedi. Joldarǵa jumsalǵan shyǵyndy odan ári ózin-ózi aqtaý maqsatynda uzyndyǵy 2500 shaqyrym ekinshi sanattaǵy avtojol ýchaskelerinde qoǵamdyq pikirdi eskere otyryp jáne olardy normatıvtik jaǵdaıǵa keltirgennen keıin aqyly tólem júıesin engizý qarastyrylyp jatyr», - dedi Qaıyrbek Óskenbaev Úkimet otyrysynda.

Jalpy «Qýatty óńirler – el damýynyń draıveri» ulttyq jobasyna sáıkes, 2025 jyldyń sońyna deıin uzyndyǵy 4 myń shaqyrym birinshi jáne ekinshi sanattaǵy avtojoldar ýchaskelerinde qosymsha aqyly joldar engizý kózdelgen.

Eske sala ketsek, 2021 jyly elimizdegi aqyly joldardan 8 mlrd teńge qarjy túsken. Bul qarjy sol joldardy kútip baptaý men sapasyn arttyra túsýge jumsalady.



Jańalyqtar

MURAǴAT