USD 434.84 EUR 498.2
RUB 5.72 CNY 68.47
Jańalyqtar

2022 jyly dárigerlerdiń jalaqysyn kóterýge 361 mlrd teńge qarjy bólinedi

2021 jylǵy 26 qarasha 12:09
Bólisińiz:
2022 jyly dárigerlerdiń jalaqysyn kóterýge 361 mlrd teńge qarjy bólinedi

NUR-SULTAN. QazAqparat – 2022 jyly dárigerlerdiń jalaqysyn kóterýge 361 mlrd teńge qarjy bólinedi. Bul jaıynda QR Premer-Mınıstriniń orynbasary Eraly Toǵjanovtyń Májilis depýtattary saýalyna bergen jaýabynda aıtylǵan, dep habarlaıdy QazAqparat tilshisi.

«Memleket basshysynyń Qazaqstan halqyna arnalǵan Joldaýyn júzege asyrý aıasynda 2020-2025 jyldary medıtsına qyzmetkerleriniń jalaqysyn kezeń-kezeńmen kóterý josparlanǵan», - delingen Úkimet basshysy orynbasarynyń jaýabynda.

Vıtse-premer jaýabyna anyqtama retinde usynylǵan derekterge sáıkes, 2021 jyldyń 1 qańtarynan densaýlyq saqtaý salasynda 247 myń medıtsına qyzmetkeriniń jalaqysy artty. Atap aıtqanda, dárigerlerdiń jalaqysy 30 paıyzǵa (246,1 myńnan 319,9 myń teńgege) orta medıtsına qyzmetkerleriniń jalaqysy 20 paıyzǵa (144,6 mńnan 173,5 myń teńgege) ulǵaıdy.

«2023 jylǵa qaraı medıtsına qyzmetkerleriniń jalaqysyn ekonomıkadaǵy ortasha jalaqyǵa qatysty 2,5 esege deıin arttyrý josparlanǵan», - dedi ol.

Anyqtamalyq derekterge qaraǵanda, bul maqsatqa 2021 jylǵa – 222,3 mlrd teńge, 2022 jylǵa – 361,7 mlrd teńge, 2023 jyly 557,4 mlrd teńge kózdelgen.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT