+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

13 myń qazaqstandyq membaǵdarlama aıasynda oqyp, jumysqa ornalasty

2021 jylǵy 26 qazan 10:35
Bólisińiz:
13 myń qazaqstandyq membaǵdarlama aıasynda oqyp, jumysqa ornalasty

NUR-SULTAN. QazAqparat – Bıyl 16,9 myń adam «Eńbek» memlekettik baǵdarlamasynyń qysqa merzimdik oqýǵa joldandy jáne 13,2 myńy oqýdy aıaqtap, 81 paıyzy jumyspen qamtyldy. Bul týraly QR Eńbek jáne halyqty áleýmettik qorǵaý mınıstri Serik Shápkenov aıtyp berdi, dep habarlaıdy QazAqparat tilshisi.

«Baǵdarlamanyń taǵy da bir mańyzdy baǵyttarynyń biri – qysqa merzimdik oqytý. Bıyl 16,9 myń adam qysqa merzimdik oqýǵa joldansa, 13,2 myń adam oqýdy aıaqtap, 81 paıyzy jumyspen qamtyldy. Budan basqa, «Nur Otan» partııasynyń saılaýaldy baǵdarlamasynda aǵymdaǵy jyly elektrondy eńbek bırjasynda pılottyq túrde 5 myń jumyssyz azamatty tegin onlaın oqýmen qamtamasyz etý qarastyrylǵan, onyń 93 paıyzy oqýdan ótti», - dedi S. Shápkenov Úkimet otyrysynda.

Mınıstrdiń aıtýynsha, azamattardy onlaın oqytýdy uıymdastyrý úshin elektrondy eńbek bırjasy bazasynda arnaıy portal ázirlenip, 1 shildeden bastap iske qosyldy. Qazirdiń ózinde portalda 135 kýrs avtorlary jáne 11 myńǵa jýyq paıdalanýshy tirkelgen.

«Kýrstardy aıaqtaǵannan keıin portalda arnaıy testileýden ótip, sertıfıkat alý múmkindigi qarastyrylǵan. 4 aıdyń ishinde 6 600 adam kýrstardan ótti, onyń ishinde 4 800 adam – jumyssyz bolyp tirkelgender. Biz jańa qabyldanǵan «Kásipkerlikti damytý ulttyq jobasy» aıasynda portal arqyly eńbek naryǵynda suranysqa ıe mamandyqtar boıynsha onlaın oqytýdy damytatyn bolamyz», - dedi Eńbek mınıstri.

Aıta keteıik, «Eńbek» memlekettik baǵdarlamasy boıynsha bıylǵy 9 aıda 377 myń adam jumyspen qamtyldy jáne onyń 70 paıyzy – turaqty jumysqa ornalasty.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT