12 aımaqta aýa raıyna baılanysty eskertý jarııalandy
2022 jylǵy 18 mamyr 18:50

12 aımaqta aýa raıyna baılanysty eskertý jarııalandy

NUR-SULTAN. QazAqparat - Sınoptıkter elimizdiń 12 óńirinde aýa raıyna baılanysty eskertý jarııalady, dep habarlaıdy QazAqparat «Qazgıdromet» RMK baspasóz qyzmetine silteme jasap.

Aqmola oblysynyń soltústiginde, batysynda, shyǵysynda naızaǵaı, burshaq, burqasyn bolady. Ońtústik-batystan soǵatyn jel batystan 15-20 m/s, kúndiz ekpini 23-28 m/s, oblystyń soltústik-shyǵysynda keı jerlerde 30 m/s jáne odan da ekpindi bolýy yqtımal.

Kúndiz Aqtóbe oblysynyń batysynda jáne soltústiginde naızaǵaı oınaıdy. Ońtústik-batystan soǵatyn jel oblystyń soltústiginde, shyǵysynda ekpini 15-20 m/s. Aqtóbe qalasynda kúndiz naızaǵaı oınaıdy. Ońtústik-batystan jel soǵyp, kúndiz ekpini 15 m/s jetedi.

Almaty oblysynyń taýly, taý bókterindegi aýdandarynda naızaǵaı oınap, burshaq jaýady. Ońtústik-batystan jel soǵady, naızaǵaı kezinde 15-20, ekpini 24-29 m/s. Taldyqorǵan qalasynda naızaǵaı oınap, ońtústik-batystan jel soǵady, naızaǵaı kezinde jel ekpini 15-20 m/s.

Almaty qalasynda kún kúrkireıdi. Ońtústik-batystan jel soǵady, kún kúrkiregen kezde jel ekpini 15 m/s jetedi. Ońtústik-batystan, soltústikten, ońtústikten 15-20 m/s jyldamdyqpen jel soǵady, ekpini 23 m / s jetedi.

Shyǵys Qazaqstan oblysynyń soltústiginde, ortalyǵynda jáne ońtústiginde burshaq jaýyp, kún kúrkireıdi. Óskemen qalasynda kúndiz naızaǵaı oınaıdy. Ońtústik-batystan soǵatyn jeldiń ekpini kúndiz 15-20 m/s. Semeı qalasynda da naızaǵaı oınap, ońtústik-batystan soǵatyn jeldiń ekpini kúndiz 15-20 m/s jetedi. Jarma aýdanynda óte joǵary órt qaýpi saqtalady.

Kúndiz Jambyl oblysynyń taýly aımaqtarynda qatty jańbyr jaýady. Ońtústikte, taýly aımaqtarda naızaǵaı oınap, burshaq jaýýy múmkin. Soltústik-batystan soǵatyn jel soltústik-shyǵysqa aýysady, oblystyń ońtústik-batysynda, soltústik-shyǵysynda, taýly aımaqtarda jel ekpini - 15-20 m/s.

Batys Qazaqstan oblysynyń soltústiginde, ońtústiginde naızaǵaı oınap, burshaq jaýýy yqtımal. Ońtústik-batystan, batystan jel soǵady, kúndiz soltústikte, soltústik-shyǵysta ekpini 15-20 m/s jetedi. Oral qalasynda kúndiz naızaǵaı oınap, burshaq jaýady.

Túnde Qaraǵandy oblysynyń soltústik, shyǵysynda tuman túsedi. Ońtústik-batystan, batystan soqqan jel túnde oblystyń soltústigine, batysyna aýyp, ekpini 15-20 m/s jetedi, kúndiz basym bóliginde 15-20 m/s, ekpini 23-28 m/s, soltústiginde 30 m/s.

Nur-Sultan qalasynda túnde naızaǵaı oınaıdy. Ońtústik-batystan, batystan jel soǵady, ekpini 15-20 m/s, kúndiz ekpini 23 m/s jetedi.

Pavlodar oblysynda túnde batysta qatty jańbyr, tuman, kúndiz soltústikte naızaǵaı oınaıdy. Pavlodar qalasynda kúndiz 19 mamyrda batystan jel soǵady, ekpini 15-20 m/s jetedi.

Soltústik Qazaqstan oblysynyń basym bóliginde jańbyr jaýady, kúndiz oblystyń shyǵysynda qatty jańbyr jaýady. Oblystyń soltústiginde, batysynda, shyǵysynda naızaǵaı, daýyl, burshaq kútiledi. Ońtústik-batystan, batystan 15-20 m/s jel soǵady, kúndiz ekpini - 23-28 m/s, keıde 30 m/s asady.

Túrkistan oblysynyń taýlarynda naızaǵaı oınap, daýyl soǵady. Shyǵystan soqqan jeldiń ekpini - 15-20 m/s.


Uqsas jańalyqtar
Avtor:
Tilshi

Jańalyqtar

MURAǴAT