ЖССТ ходимлари коронавирус билан касалланмоқда ва оғиз чайиш фойдали эканлиги аниқланди
ЖССТнинг айтишича, Женевадаги штаб-квартирасида COVID-19 вируси 65 кишида аниқланган.
Шу билан бирга, ташкилот раҳбари Тедрос Адханом Гебрейесуснинг айтишича, дунё бўйлаб кўплаб одамлар умидвор бўлган вакцина пандемияни бутунлай тўхтата олмайди.
Унинг сўзларига кўра, вакцина тез таъсир қилмайди.
Гебрейесуснинг сўзларига кўра, вакцина биринчи навбатда соғлиқни сақлаш ходимлари, ижтимоий соҳа ходимлари, ўқитувчилар ва хавф остида бўлган одамларга берилади. Шу вақт ичида вирус эркин тарқалишини давом эттиради. Шунинг учун, вакцина пайдо бўлишига қарамай, чеклов чоралари ҳали ҳам узоқ вақт давомида қўлланилиши керак.
Оғизни чайиш коронавирусни ўлдиради
Буюк Британиянинг Кардифф университети томонидан олиб борилган янги тадқиқот шуни кўрсатдики, кўпчиликка маълум оғизни ювиш воситалари ишлатилгандан кейин 30 сония ичида коронавирусни йўқ қилиши мумкин. Лаборатория тадқиқотлари шуни кўрсатдики, оғизни чайиш тупурикдаги коронавирусни ўлдириши мумкин. Аммо унинг даволаш усули сифатида самарали эканлиги ҳақида ҳеч қандай далил йўқ, чунки у нафас олиш йўлларига ёки ўпкага кириб бормайди.