11:29, 16 Март 2021 | GMT +6
Жорий йилда Қозоғистонда 3 та нефт-кимё заводи ишга туширилади
NUR-SULTAN. Kazinform – Жорий йилда Атирау вилояти ва Чимкентда 3 та нефт-кимё заводи ишга туширилиши керак. Бу ҳақда бугун Ҳукумат йиғилишида ҚР Бош вазири Асқар Мамин маълум қилди, деб хабар беради Kazinform мухбири.
«Углеводородларга жаҳон нархларининг беқарорлиги технологик жиҳатдан мураккаб тармоқларга устувор аҳамият беради. Йўл харитасига кўра, 2025 йилда экспортга йўналтирилган нефт-кимё маҳсулотлари ишлаб чиқариш ҳажмининг 9 баравар кўпайишини таъминлаш керак», - деди Бош вазир.
Шу муносабат билан, Асқар Мамин Индустрия ва инфратузилмаларни ривожлантириш вазирлигига бу йил 3 та нефт-кимё заводини фойдаланишга топширишни топширди.
«Энергетика вазирлигига «Самуриқ-Қазина» билан биргаликда, жорий йилда Атирау вилояти ва Чимкентда 3 та нефт-кимё заводини ишга туширишни топшираман. Умуман олганда, бу нефт-кимё маҳсулотларини ишлаб чиқаришни 400 минг тоннага етказади», - деди Бош вазир.
Муаллиф: Марлан Жимебай