Жаҳон банки Қозоғистон энергетика тизимида техник аудит ўтказиш учун грант ажратди

None
None
NUR-SULTAN. Kazinform – Қозоғистон Энергетика вазирлиги Жаҳон банки гранти кўмагида энергия ишлаб чиқарувчи ва энергия узатувчи ташкилотларда техник аудит ўтказишни бошлади. Бу ҳақда бошқарма бошлиғи Болат Ақшолақов Парламент Мажилиси депутатлари саволига жавобан маълум қилди, дея хабар беради Kazinform мухбири.
«Вазирлик томонидан энергия манбаларининг техник аудитини ўтказиш бўйича чора-тадбирлар режаси ишлаб чиқилган. Режада энергия ишлаб чиқариш объектларининг умумий харитаси ва рақамли хариталарини шакллантириш, ҳисоботлар билан энергия манбаларининг техник аудитини ўтказиш орқали энергия манбаларининг камерал техник аудитини ўтказиш назарда тутилган. Тармоқларни модернизация қилиш бўйича ишлар ҳар йили ва мунтазам равишда олиб борилмоқда, бироқ энергетика корхоналарининг маблағлари чекланганлиги сабабли қисқа муддатда электр тармоқларини модернизация қилишнинг имкони йўқ»

, — деди вазир.

Унга кўра, бугунги кунда мамлакатдаги энергетика корхоналарининг 70 фоиздан ортиғи хусусий мулкдир.

«Вазирлик Жаҳон банки гранти ҳисобидан энергия ишлаб чиқарувчи ва энергия узатувчи ташкилотларнинг техник аудитини ўтказиш бўйича ишларни бошлади. Бу иш икки босқичда амалга оширилади. Биринчи босқичда электр станцияларида, иккинчи босқичда эса электр тармоқлари ташкилотларида аудит ўтказиш режалаштирилган. Бу иш учун техник топшириқлар Жаҳон банки билан келишилган. Айни пайтда банк ушбу соҳада халқаро тажрибага эга мутахассисларни изламоқда. Бу ишга электр энергетикаси соҳасида катта тажрибага эга бўлган мустақил маҳаллий мутахассислар ҳам жалб этилади. Бу ишларнинг натижалари энергетика корхоналари асосий жиҳозларининг ҳақиқий техник ҳолатини аниқлайди», - деди вазир.

Эслатиб ўтамиз, аввалроқ Қозоғистонда яқин йилларда 1074 МВт қувватга эга 53 та тикланувчи энергия лойиҳалари амалга оширилишини маълум қилгандик.


Муаллиф: Есимжан Нақтибай


Сўнгги хабарлар