10:00, 07 Апрел 2021 | GMT +6
Ўзбекистонда Туризм вазирлиги ташкил этилди
TASHKENT. UzA - Kazinform – Ўзбекистонда Туризм ва спорт вазирлиги ташкил этилди, деб хабар беради Kazinform ЎзАга асосланиб.
Ўзбекистон Президенти Шавкат Мирзиёев «Туризм, спорт ва маданий мерос соҳасида давлат бошқаруви тизимини янада такомиллаштириш чора-тадбирлари тўғрисида»ги фармонни имзолади. Фармонга асосан, Жисмоний тарбия ва спорт вазирлиги ва Туризмни ривожлантириш давлат қўмитаси негизида Туризм ва спорт вазирлиги ташкил этилди. Бу туризм, спорт ва маданий мерос соҳасида ягона давлат сиёсатини амалга оширадиган давлат бошқарув органи ҳисобланади.
Туризмни ривожлантириш бўйича мувофиқлаштирувчи кенгаш туризм, спорт, маданий мерос, транспорт логистикаси ва хизмат кўрсатиш соҳаларида давлат-хусусий шериклик ва рақамлаштириш бўйича мувофиқлаштирувчи кенгашга айлантирилди.