13:28, 14 Июн 2021 | GMT +6
Ўзбекистонда Буддизм обидалари туризми ривожлантирилади
TASHKENT. Kazinform - «Ўзбекистон Республикаси ҳудудларидаги буддизм обидалари турмаршрутларининг 3D моделларини яратиш» инновацион лойиҳа натижаларини муҳокама қилиш учун Тошкент давлат шарқшунослик университетида «Буддизм обидалари – зиёрат туризмини ривожлантиришнинг янги йўналиши» мавзусида илмий-амалий конференция ўтказилди, хабар беради Kazinform UZAга асосланиб.
Конференция давомида туризмнинг янги йўналишларини Ўзбекистонда ривожлантиришнинг илмий-назарий жиҳатлари; буддавийлик тарихи ва бу борадаги тадқиқотлар; Ўзбекистондаги буддавийлик обидалари ва зиёрат туризмини ташкил қилишнинг жаҳон тажрибаси, ундан Ўзбекистонда фойдаланиш имкониятлари атрофлича муҳокама қилинди.
2020 йил ёздан бери иш олиб бораётган «Республика ҳудудларидаги буддизм обидалари турмаршрутларининг 3D моделларини яратиш» инновацион лойиҳасининг умумий қиймати 2 миллиард сўм бўлиб, ўтган 1 йил ичида мазкур лойиҳа доирасида асосий илмий-тадқиқот ишлари амалга оширилди. Навбатдаги босқич эндиликда лойиҳанинг бевосита амалиётга татбиқ этиладиган жиҳатларини ишлаб чиқишга қаратилган.