12:05, 23 Июн 2022 | GMT +6
Вена яна бир бор дунёнинг яшаш учун энг қулай шаҳри деб топилди
NUR-SULTAN. Kazinform – Австрия пойтахти 2018 ва 2019 йилларда ҳам яшаш учун энг қулай шаҳарлар рейтингида биринчи ўринни эгаллаганди, деб хабар беради Kazinform dw.com нашрига таяниб.
Иккинчи ўринда Дания пойтахти Копенгаген, учинчи ўринда Швейцариянинг Цюрих шаҳри жойлашган.
Британиянинг The Economist журналининг пайшанба куни чоп этилган таҳлилий бўлими Economist Intelligence Unit (EIU) 23 июн куни эълон қилган йиллик рейтингига кўра, Австрия пойтахти Вена учинчи бор дунёнинг яшаш учун энг қулай шаҳри деб топилди. Илгари Вена 2018 ва 2019 йилларда ушбу рўйхатда биринчи ўринни эгаллаган эди. Венани жуда жозибали қиладиган нарса - бу барқарор шароитлар, яхши инфратузилма ва соғлиқни сақлаш тизими, шунингдек, кўплаб маданий ва дам олиш имкониятларидир.
EIU рейтингига кўра, энг қулай шаҳарлар орасида иккинчи ўринда Дания пойтахти Копенгаген, учинчи ўринда Швейцариянинг Цюрих шаҳри жойлашган.