Туркия ишбилармонлари Қозоғистонга 1 млрд доллар сармоя киритишни режалаштирмоқдалар

ҚР Ташқи ишлар вазирлигининг хабар беришича, «Koc Holding», «Yildirim Holding», «TAV Holding», «Calik Holding», «Kibar Holding», «Atabay» ва «Goknur Gida» 7 та етакчи Туркиянинг холдинги раҳбарлари билан музокаралар давомида озиқ-овқат саноати, машинасозлик, кончилик ва металлургия, инфратузилма ва ахборот-коммуникация технологиялари, кимё саноати ва фармацевтика соҳасидаги сармоявий ҳамкорлик масалалари муҳокама қилинди.

ҚР Ташқи ишлар вазирининг айтишича, Қозоғистон Туркия билан савдо-иқтисодий ва сармоявий алоқаларни ривожлантиришга катта аҳамият беради.

«Биз туркиянинг сармоядорларни ҳар томонлама қўллаб-қувватлашга тайёрмиз. Ҳар бир лойиҳа мамлакатимиз тараққиёти ва Қозоғистон-Туркия стратегик шериклигини янада кенгайтириш учун алоҳида аҳамиятга эга», - деди М. Тлеуберди.

Ўз навбатида, Туркиянинг етакчи холдинги раҳбарлари Қозоғистон улар учун сармоявий жозибадор мамлакат эканлигини таъкидладилар ва уларнинг лойиҳаларини мамлакатда амалга ошириш бўйича аниқ таклифлар билдирдилар.

Хусусан, ушбу таклифлар инвестиция имтиёзлари турларини кўпайтириш, инфратузилма масалаларини ҳал қилиш, саноат ва махсус иқтисодий зоналар ишини янада такомиллаштириш, кадрлар тайёрлаш ва бошқа муҳим йўналишларни ўз ичига олади. Ушбу холдингларнинг ўрта муддатли истиқболда Қозоғистонга режалаштирилган инвестициялари ҳажми 1 миллиард АҚШ долларидан ошади.