«Туркистоним-Тураним» кўргазмасида туркийзабон давлатлардан 120 рассом ўз асарларини намойиш этди
ТУРКСОЙ халқаро ташкилоти ташаббуси ва Туркистон вилояти ҳокимлиги кўмагида ташкил этилган тадбир Қозоғистон мустақиллигининг 30 йиллигига бағишланган. Кўргазманинг асосий мақсади туркийзабон халқлар ўртасидаги ҳамкорлик ва дўстликни, маданий алоқаларни мустаҳкамлаш, туркий маданият ва санъатни авлоддан авлодга етказиш, туркий тилли мамлакатларнинг таниқли рассомлари асарларини тарғиб қилиш ва ўзаро тажриба ва фикр алмашиш. Шунингдек, туркийзабон мамлакатларнинг маънавий пойтахти бўлган Туркистонни санъат тилида тарғиб қилиш.
Симпозиум давомида ТУРКСОЙ Бош котиби Дуйсен Қасеинов рассомларга сертификатларни топширди ва уларни фахрий ёрлиқлар билан тақдирлади. Хорижий рассомлар номидан Қирғизистон Республикаси халқ рассоми Юристанбек Шиғаев ва Қозоғистон Бадиий академиясининг академиги Ерлан Айтуаров хорижий рассомлар номидан сўзга чиқиб, кўргазманинг аҳамияти ҳақида сўзлаб беришди.
Таъкидлаш жоизки, симпозиумда рассомлар 5 кун давомида 120 дан ортиқ сифатли асар ёздилар.