14:25, 22 Ноябр 2020 | GMT +6
Туркистонда Қозоғистон ва Ўзбекистон бош вазирлари учрашди
NUR-SULTAN. Kazinform – Қозоғистон Бош вазири Асқар Мамин ва Ўзбекистон Бош вазири Абдулла Арипов Туркистон шаҳрида учрашдилар, деб хабар беради Kazinform primeminister.kz асосланиб.
Бош вазирлар савдо-иқтисодий, инвестиция, қишлоқ хўжалиги, сув-энергетика, транспорт ва логистика, божхона соҳасидаги ҳамкорлик, шунингдек саноат кооперацияси ва минтақалараро ҳамкорликнинг долзарб масалаларини муҳокама қилдилар.
Қозоғистон ва Ўзбекистон ўртасидаги 2020-2022 йилларда ҳамкорликни кенгайтириш ва чуқурлаштириш бўйича амалий чора-тадбирлар режасини амалга ошириш, минтақавий савдо тизимини, Қозоғистон-Ўзбекистон чегарасида Халқаро савдо-иқтисодий ҳамкорлик марказини ташкил этиш, чегара пунктларини модернизация қилиш ва бошқа масалаларга алоҳида эътибор қаратилди.