Туркистон вилоятида Қуёш электр станциялари барпо этилмоқда

Ҳозирги вақтда «Turkistan Invest» компанияси Туркистон вилояти иқтисодиётига сармоя киритишга қарор қилган чет эл инвесторлари учун инвестор визаларини олишда ёрдам беришда давом этмоқда. 2020 йил 1-чорагида «Turkistan Invest» билан биргаликда умумий қиймати 23,18 миллиард тг бўлган 7 та лойиҳа амалга оширилиб, 197 та иш ўрни яратилди.

Умуман олганда, 2020 йилда Туркистон вилоятида умумий қиймати 397,7 млрд тангалик бўлган 97 та инвестиция лойиҳаларини амалга ошириш режалаштирилган бўлиб, унда 5508 та янги иш ўринлари яратилади.

Қишлоқ хўжалигида Cottonex компаниялар гуруҳи (Полша) томонидан Туркистон вилоятининг Сайрам туманида юқори технологияли иссиқхона мажмуасини қуриш бўйича кенг кўламли лойиҳани биринчи навбати ниҳоясига етмоқда. Умумий инвестициялар ҳажми 11,3 миллиард танга бўлиб, 200дан ортиқ иш ўринлари яратилади.

Бундан ташқари «Эко Культура» агросаноат холдинг компанияси лойиҳасининг биринчи босқичи - 500 гектар майдонда иссиқхона мажмуалари қурилиши бошланди. Лойиҳа 2020-2025 йилларга мўлжалланган. Марказий Осиёда тенгсиз бўлган лойиҳага сарфланадиган сармоялар ҳажми 600 миллиард танга атрофида бўлади. Айни пайтда компания 50 гектар майдонда лойиҳанинг биринчи босқичини амалга ошириш бўйича лойиҳалаш ишларини олиб бормоқда.

Шу билан бирга, «Тан Сари Трейдинг А» МЧЖ мева-сабзавот (қовун ва тарвуз) маҳсулотларини сақлаш ва саноат асосида қайта ишлаш бўйича агросаноат мажмуасини қуриш лойиҳасини амалга оширмоқда. Лойиҳани 2020 йилдан 2021 йилгача амалга ошириш кўзда тутилган, инвестиция ҳажми - 1,7 млрд танга. Корхона маҳсулотлари МДҲ ва Европа Иттифоқига экспорт қилинади.

Шунингдек, қайта тикланадиган энергия манбалари соҳасида хорижий инвестор - ЮКСЭС МЧЖ (Risen Energy, Хитой) иштирокида лойиҳа амалга оширилди. Инвестициялар ҳажми 19 миллиард тангани ташкил қилади. Risen Energy ЮКСЭС МЧЖ билан биргаликда Сузоқ вилоятида 125 гектар майдонда 50 МВт қувватга эга қуёш электр станциясини қуриш лойиҳасини амалга оширди.

Бундан ташқари, чет эл иштирокидаги лойиҳалар амалга оширилмоқда. Улар орасида «ARM Wind» (Италия) - Ўтрор тумани Шаулидир қишлоғида 50 МВт қувватга эга қуёш электр станциясининг қурилиши олиб борилмоқда. Инвестициялар ҳажми 12,5 миллиард тангани ташкил қилади. Компания ушбу лойиҳани 2020-2021 йилларда амалга ошириш ниятида.

Шу билан бирга, Кентауда «KZT Solar» МЧЖ ва «HEVEL KAZAKHSTAN» МЧЖ томонидан 110 МВт қувватга эга қуёш электр стантсиясининг қурилиши бошланди. Инвестициялар ҳажми 32,2 миллиард тангани ташкил қилади. Лойиҳа 2020-2021 йилларга мўлжалланган.

Шу билан бирга, Туркиянинг «YDA Insaat» компанияси Туркистонда 78,8 миллиард танга инвестиция киритиб, 1500дан ортиқ иш ўринларини яратадиган халқаро аэропорт қурмоқда. Лойиҳанинг ишга туширилиши 2020 йил охирига режалаштирилган.

Бундан ташқари, «Turkistan Silkway Harbor» масъулияти чекланган жамияти Туркистон шаҳрида «Карвонсарой» кўп функцияли сайёҳлик комплексини қурмоқда. Инвестициялар ҳажми 83 миллиард тенге.

Вилоятда кенг кўламли қурилиш ишлари амалга оширилиб, бошқа йирик инвестицион лойиҳалар ҳам амалга оширилмоқда.