14:18, 31 Март 2021 | GMT +6

Туркистон шаҳрини кўкаламзорлаштириш ишлари давом этмоқда

TÚRKİSTAN. Kazinform – Туркистон вилояти ҳокими Ўмирзак Шўкеев қуриб битказилган иншоотларни ички безатиш ва Туркистон ҳудудини ободонлаштириш бўйича ишларни текширди. Шаҳар атрофини ободонлаштириш ва дарахтларни экишга алоҳида эътибор қаратилмоқда. Шаҳарда экологик вазиятни яхшилаш учун энг илғор технологиялардан фойдаланилмоқда, деб хабар беради Kazinform вилоят ҳокимлиги матбуот хизматига таяниб.

Майдони 28 гектар бўлган Туркистон дендропарки шаҳарнинг асосий кириш эшиги олдида жойлашган. Тез орада бу ерда 12 минг турдаги мевали дарахтлар ва кўп йиллик ўсимликлар экилади. Бугунги кунга қадар 10 минг дона кўчат экилди. Боғда сунъий кўл ҳам бўлади. Дендропаркда аллақачон турли хил гуллар экилган, пиёдалар йўлакчалари ётқизилиб, чироқлар ўрнатилди. Фавворалар ва кўприклар қурилди. Ушбу иншоотга 200 га яқин ишчи ва 20 та жиҳоз жалб қилинган.

Яссавий мақбараси ҳудуди ислом боғига айланади. Ўмирзак Шўкеев мақбара атрофидаги ботаника боғини ободонлаштириш ишлари билан танишди. Етти гектарда ноёб кўкатлар ва бутун йил давомида гуллаб-яшнайдиган ёрқин, хушбўй гуллар экилган.

Вилоят раҳбари «Карвонсарой» мажмуаси ҳудудидаги инфратузилма ишларини назорат қилиш бўйича бир қатор кўрсатмалар берди. 50 гектар майдон ободонлаштирилди, муҳандислик коммуникациялари уланди - электр, сув ва канализация. Янги кўчалар асфальтланди.

Вилоят ҳокими ободонлаштириш ва кўкаламзорлаштириш ишларини тасдиқланган жадвалга мувофиқ якунлаш тўғрисида кўрсатма берди.

Теглар:

Ҳудудларни ривожлантириш Экология Қурилиш Асосий янгилик

Сўнгги хабарлар

Кўпроқ янгиликлар бизнинг Telegram каналимизда!