Туркистон аэропортидан биринчи халқаро рейс амалга оширилди

Туркистон ва Истанбул шаҳарлари ўртасида мунтазам парвозлар ҳафтада икки марта, жума ва якшанба кунлари А-320 самолётлари орқали амалга оширилади. Кейинчалик, рейслар сони ҳафтасига (кунига) 7 тага кўпаяди. Чипталар 39 999 тенгедан бошланади. Туркистон - Истанбул биринчи рейсига 176 та чипта (98%) сотилди.

Биринчи мунтазам рейс ишга туширилгандан бери (2020 йил 1 декабрь) Туркистон шаҳар аэропортидан 80 дан ортиқ рейслар амалга оширилди, улар таркибида 23 мингга яқин йўловчи парвоз қилди. Парвозларнинг ўртача тижорат юки 85% ни ташкил этди.

Ҳозирда Туркистон шаҳар аэропортидан Нур-Султан, Алмати ва Атирауга ички рейслар амалга оширилмоқда. Жорий йилнинг иккинчи чорагидан бошлаб, туркий оламнинг маънавий маркази сифатида Туркистонни 10 та вилоят марказлари (Ақтау, Ақтўбе, Атирау, Қарағанди, Кўкшетау, Қостанай, Павлодар, Петропавл, Талдиқўрғон, Ўсткемен) ҳафтасига 53 рейс билан боғлаш режалаштирилган.

Туркистон шаҳар аэропорти хорижий авиакомпанияларнинг парвозлари учун «очиқ осмон» режимига киритилган. Бу парвозлар географиясини кенгайтириш учун аэропорти янада жозибадор қилади ва чет эллик сайёҳларни кўпроқ жалб қилади.

Туркистондан Новосибирскгача (Россия), Бишкекга (Қирғизистон), Токентга (Ўзбекистон) ва бошқа шаҳарларга янги парвозларни йўлга қўйиш режалаштирилган. Рейслар санитария-эпидемиология талабларига қатъий риоя қилинган ҳолда ва авиакомпания сайтида эълон қилинган жадвалга мувофиқ амалга оширилади.