Ташқи инфляция фони Қозоғистон учун мураккаб бўлади - Миллий банк
20 Апрель 16:41

Ташқи инфляция фони Қозоғистон учун мураккаб бўлади - Миллий банк

NUR-SULTAN. Kazinform – Бу йил Қозоғистон учун ташқи инфляция билан боғлиқ вазият янада оғирроқ бўлади. Бу ҳақда Қозоғистон Миллий банки раиси ўринбосари Виталий Тутушкин республика бюджети муҳокамаси чоғида маълум қилди, дея хабар беради Kazinform мухбири.

«Жорий йил бошидан геосиёсий вазият оғирлашганидан буён жаҳон молия ва товар бозорларидаги вазият ўзгарувчан бўлиб келмоқда. Қийинчиликлар натижасида жаҳон иқтисодиёти кутилганидан ҳам секинроқ ривожланмоқда», - деди Тутушкин Парламент Мажилисининг ялпи мажлисида.

Унинг сўзларига кўра, халқаро молия ташкилотлари глобал иқтисодий ўсиш прогнозларини пасайиш йўналиши бўйича тахминан 1 фоиз бандга қайта кўриб чиқди.

«Таъминот муаммоларининг кескинлашуви глобал инфляция ҳолатини ёмонлаштириб, жаҳон бозорида товар ва озиқ-овқат нархларининг ошишига олиб келди. Шу муносабат билан Халқаро валюта жамғармаси (ХВЖ) ўзининг инфляция прогнозини қайта кўриб чиқди ва унинг сезиларли даражада юқори даражаси аввалроқ прогноз қилинганидан узоқроқ сақланиб қолади, деб ҳисобламоқда», — деди Миллий банк вакили.

Таъкидлаб ўтамиз, парламентда «2022-2024 йилларга мўлжалланган республика бюджети тўғрисида»ги Қозоғистон Республикаси қонунига ўзгартиш ва қўшимчалар киритиш ҳақида»ги қонун лойиҳаси муҳокама қилинмоқда.

Муаллиф: Айжан Серикжанқизи


Ўхшаш янгиликлар

Янгиликлар

Архив