11:30, 22 Июн 2021 | GMT +6
Россияда сайёҳларга ҳужум қилган айиқ 16 ёшли боланинг ҳаётига зомин бўлди
NUR-SULTAN. Kazinform - Россиянинг Красноярск ўлкасидаги «Ергаки» миллий боғида бир гуруҳ сайёҳга айиқ ҳужум қилиб, бир ўспиринни ўлдирди ва яна бирини яралади, деб хабар беради Kazinform ТАСС ахборот агентлигига асосланиб.
«Айиқ 13 кишилик сайёҳлар гуруҳига ҳужум қилди. Натижада, икки киши жароҳат олди, улардан бири - 16 ёшли бола», - деди Фавқулодда вазиятлар вазирлигининг маҳаллий бўлими.
Фавқулодда вазиятлар вазирлиги маълумотларига кўра, ҳозирда сайёҳлар йўналишдан эвакуация қилинмоқда.
Красноярск ўлкаси ва Хакасия тергов қўмитаси ҳайвоннинг одамларга ҳужуми бўйича тергов бошлади.
Воқеа жойига тергов гуруҳи етиб келди.
«Ергаки» боғи Красноярск ўлкасининг жанубида жойлашган. Унинг майдони 342 минг гектарни ташкил этади.