Россияда қидирувда бўлган жиноятчи Атирау шаҳрида қўлга олинди
Вилоят Полиция департаменти матбуот хизматининг хабар беришича, миграция полицияси ходимлари «Ноқонуний мигрант-2021» операцияси давомида бир нечта фактларни аниқладилар.
«Жорий йилнинг май ойида Россия Федерацияси фуқаросига РФ Жиноят кодексининг 157-моддаси 1-қисми (ота-онанинг суд ҳукми бўйича вояга етмаганларни шунингдек, 18 ёшга тўлмаган ногирон болаларни асраш учун нафақа тўлашдан қасддан бўйин товлаш) бўйича халқаро қидирув эълон қилинган. Ҳибсга олинган шахс чегара хизматига топширилди, деб хабар қилмоқда департамент матбуот хизмати.
Шунингдек, операция давомида полиция қурилиш майдонларини кўздан кечирди.
Атирау шаҳридаги Береке микрорайонида 52 нафар Ўзбекистон Республикаси фуқароси ҳужжатсиз ноқонуний ишлагани аниқланди. Чет эл фуқаролари Атирау шаҳар полиция бўлими қабул қилиш -тақсимлаш бўлинмасига жойлаштирилди.
Эслатиб ўтамиз, аввалроқ 16 нафар мигрант Атирауда ноқонуний равишда кўп қаватли уйлар қурилишига жалб қилинганлиги ҳақида хабар берган эдик.