Озарбайжонда COVID паспортларини текшириш учун мобил илова тақдим этилди

Илова ишлаб чиқувчиси Озарбайжон Республикаси Президенти ҳузуридаги Фуқароларга хизмат кўрсатиш ва ижтимоий инновациялар давлат агентлигининг Электрон ҳукуматни ривожлантириш маркази.

1 сентябр куни ишга тушириладиган мобил иловадан, icazә.е-gov.aza портали орқали аниқланган ваколатли шахслар фойдаланиши мумкин. Мобил илова ваколатли шахсга тақдим этилган COVID-паспорт ёки иммунитети тўғрисидаги сертификатнинг ҳақиқийлигини ҳужжатнинг QR-кодини текшириш ёки шахсий гувоҳнома маълумотларини киритиш орқали текшириш имконини беради.

Электрон ҳукумат тизимини ривожлантириш маркази директори Ф. Жафаровнинг сўзларига кўра, агар шахсда COVID паспорти бўлмаса, уни FIN-рақам орқали текшириш мумкин.

«Агар фуқаронинг COVID паспорти бўлмаса, экранда дарҳол огоҳлантириш пайдо бўлади ва ушбу шахс Вазирлар Кабинетининг қарорида кўрсатилган жойларга киритилмайди», деди Ф. Джафаров.

Фуқаролар COVID паспортларини «muGov.az» порталида ёки muGov.az мобил иловасида, э-TӘBIB мобил иловасида ёки its.gov.az сайтида кўришлари мумкин. Эҳтиёж бўлса, босиб чиқариши мумкин.

Эслатиб ўтамиз, бугунги кунда Қозоғистонда фуқароларга ПЗР тестисиз кўплаб объектларга ташриф буюриш имкониятини берадиган Ashyq иловаси мавжуд. Ashyq хизмати iОS ва Androidда бепул мобил иловалар шаклида, шунингдек веб-версияси орқали мавжуд.

Эслатиб ўтамиз, Озарбайжон Вазирлар Кабинетиининг қарорига биноан 1 сентябрдан фаолият турлари рўйхати кенгайтирилмоқда, уларнинг 80 фоиз ходимларида эмлаш тўғрисидаги гувоҳнома ёки иммунитет сертификати бўлиши керак. Ушбу ҳужжатсиз талабалар энди университетдаги дарсларга кира олмайдилар.

1 сентябрдан бошлаб COVID паспортисиз кириш тақиқланган жамоат жойлари рўйхати кенгайтирилди. Буларга кафелар, ресторанлар, меҳмонхоналар ва савдо марказлари киради.