16:54, 23 Июл 2021 | GMT +6
Мумбайда кучли ёмғир туфайли уй қулаб тушди ва етти киши ҳалок бўлди
NEW DELHI. Kazinform - Мумбайда жума куни кечқурун уй қулаб тушди, натижада етти киши ҳалок бўлди ва уч киши жароҳат олди, деб хабар беради Kazinform ANIга асосланиб.
Шаҳар полициясига кўра, воқеа шаҳар шарқидаги Гованди туманида содир бўлган. Ёмғир ёғиши оқибатида уй сув тошқини ва лой кўчкиси туфайли вайрон бўлди. Кун давомида шаҳарда тахминан 380 мм ёғингарчилик тушди.
Июл ойи ўрталарида Ҳиндистоннинг ғарбий қирғоғида, шу жумладан Мумбайда кучли муссон ёмғир мавсуми бошланди. 19 июл куни Мумбайда Шамбур, Вихроли ва Бхандпур туманларидаги сел ва тошқинлар туфайли бинолар қулаши натижасида 33 киши ҳалок бўлди. Шаҳарнинг пасттекисликларини сув босди.
Расмийлар миллий денгиз флотидан қутқарув ишларида ёрдам сўраган. Мамлакатнинг ғарбий денгиз қўмондонлиги фуқаролик маъмуриятига ёрдам бериш учун қутқарув гуруҳларини сафарбар қилди ва ҳарбий вертолётларни жалб қилди.