Мақтааралда қишлоқ хўжалиги маҳсулотларини ишлаб чиқариш ҳажми 4,5 млрд тенгега етди

Бу йил Мақтаарал деҳқонлари 60,9 минг гектар майдонга дала экинлари, шундан 34,9 минг гектарига – пахта экишган. Бундан ташқари, 622 гектар сабзавот экилди, 20 048 тонна карам ва лавлаги йиғилган, уларнинг 80% экспорт қилинди. Мақтаарал деҳқонларига бу йил иссиқхоналар ҳажмини қўшимча равишда 10 гектарга кўпайтириш бўйича топшириқлар берилди ва ҳозирда 6,55 гектар майдонда иссиқхона барпо этилди.

Бундан ташқари, 165 гектарга томчилатиб суғориш технологиясини жорий этиш бўйича топшириқ 100 фоиз бажарилди.

Эслатиб ўтамиз, Мақтаарал туманидаги 40 минг гектар ер майдонлари суғориш ва дренаж тизимларини такомиллаштириш дастурига киритилган. Шундай қилиб, 220 та канал, 208 та дренаж ариқлари ва 149 та вертикал дренаж қудуқлари таъмирланмоқда.

Бугунги кунга қадар умумий узунлиги 47 км бўлган 36 та канал қурилиши якунланди. Натижада суғориш пайтида чиқинди сув истеъмоли камайди.