11:27, 05 Декабр 2019 | GMT +6
Криштиану Роналду боксчи Головкин билан учрашув ўтказди
NUR-SULTAN. Kazinform – Қозоғистонлик профессионал боксчи Геннадий Головкин таниқли футболчи Криштиану Роналду билан Италиянинг Турин шаҳрида учрашди. Бу ҳақда спортчилар Instagram саҳифасида маълум қилишди, деб хабар беради Kazinform мухбири.
«Бугун дўстим @cristianoни кўрганимдан жуда хурсандман! @Daznglobal билан ажойиб лойиҳа бошладик, барчангизга кўрсатишга ошиқаман», - деб ёзди GGG.
Ўз навбатида Криштиану: «Яқин дўстим билан @Daznglobalда қизиқарли лойиҳа устида ишламоқдамиз. Учрашганимиздан хурсандман, @gggboxing!», - деди.
Эсдалик учун Роналду Головкинга Туриннинг «Ювентус» клуби 7 рақамли футболкасини имзоси билан совға қилди, Головкин эса португалиялик футболчига ўз қўлқопига автограф қўйиб тақдим этди.
Эслатиб ўтамиз, Роналду 2016 йилда 34 ёшини нишонлаган Головкинга туғилган куни муносабати билан «Реал Мадрид» футболкасини совға қилган эди.
Муаллиф: Мухтар Қалимоллаўғли