ҚР Президентининг Германияга ташрифида 2,4 млрд долларлик 30та ҳужжат имзоланди

None
None
BERLIN. Kazinform – ҚР Президенти Қасим-Жомарт Тоқаев Берлинда немис бизнесининг бирқатор кўзга кўринган вакиллари билан учрашди, деб хабар беради Kazinform Ақордага ҳавола қилиб.

«CLAAS Group» компанияси Назорат кенгашининг раиси Катрина Клаас-Мюльхойзер билан учрашувда бирлашган инвестиция лойиҳаларини амалга ошириш масалалари муҳокама қилинди. «CLAAS Group» компанияси юртимизга «CT Agro» дистрибьютор тармоғи орқали қишлоқ хўжалик техникаларини олиб келади.

«Бизнинг асосий стратегиямиз – юртимизга жалб қилинаётган инвестицияларни диверсификация қилиш. Бу борада Германиянинг асосий стратегик ҳамкори бўлишни хоҳлаймиз, – деди Қасим-Жомарт Тоқаев.

Катрина Клаас-Мюльхойзер Қозоғистоннинг нафақат йирик компаниялари, балки ўрта бизнес вакиллари билан ҳам ҳамкорлик қилишга тайёрлигини билдирди.

«Linde AG» компанияси ижро этувчи вице-президенти Кристиан Брух компаниянинг 2013 йилда «Арселор Миттал Темиртау» АЖ базасида техник газ ишлаб чиқариш лойиҳасига 95 миллион евро инвестиция киритганига тўхталиб, бугунги кунда «Linde AG» компанияси лойиҳанинг иккинчи навбатига 80 миллион евро инвестиция киритишга ҳайрихоҳлик билдирди.

Қозоғистон Президенти «Schaeffler Group» компанияси Бош директори Клаус Розенфельд билан учрашувда ўзаро ҳамкорлик истиқболларига тўхталди. Автомобильсозлик, саноат ва космик соҳаларга керакли эҳтиёт қисмлар ишлаб чиқарувчи компания раҳбари Клаус Розенфельд Қасим-Жомарт Тоқаевга ишлаб чиқариш ҳамда инвестиция имкониятлари ҳақида маълумот бериб ўтди.

«Siemens Healthineers» компанияси Бош директори Бернд Монтаг Давлатимиз раҳбарига давлат-хусусий шериклиги асосида қуриладиган онкологик марказ лойиҳасини тақдим этди.

Таъкидлаш жоизки, Қозоғистон Президентининг Германияга ташрифи чоғида умумий қиймати 2,4 млрд АҚШ долларини ташқил қиладиган ўттизта иқтисодий ҳужжат имзоланди. Бу ҳақда Kazakh Invest миллий компанияси бошқарма раиси Бауиржан Сартбаев маълум қилди.

«Давлатимиз раҳбарининг Германияга ташрифи чоғида умумий қиймати 2,4 млрд АҚШ долларини ташқил қиладиган ўттизта иқтисодий ҳужжат имзоланди. Уларнинг орасида қайта ишлаш ва машинасозлик соҳалари ҳам бор», - деди Б.Сартбаев.

У имзоланган ҳужжатларнинг асосийларига тўхталиб ўтди.

«Асосий ҳужжатлардан бири – Kazakh Invest ҳамда Герман иқтисодийтининг шарқий қўмитаси ўртасидаги ҳамкорликни мустаҳкамлаш бўйича бирлашган режа», - деди Kazakh Invest раҳбари.

Таъкидлаш жоизки, Герман иқтисодийтининг шарқий қўмитаси ГФРнинг Марказий, Шарқий, Жануби-шарқий Европа, Жанубий Кавказ ҳамда Марказий Осиёнинг жами 29 мамлакатидаги иқтисодий манфаатларини ҳимоя қилади.

Сўнгги хабарлар