17:03, 11 Октябр 2021 | GMT +6

ҚР Мустақиллигининг 30 йиллиги ва БАА ташкил топганининг 50 йиллигига бағишланган янги почта маркалари чиқарилди

NUR-SULTAN. Kazinform – Қозоғистон ва Бирлашган Араб Амирликларининг почта хизматлари биргаликда «Қозоғистон Республикаси Мустақиллигининг 30 йиллиги. Бирлашган Араб Амирликлари ташкил топганига 50 йил» мавзусида почта маркаларини чиқарди, деб хабар беради Kazinform «Қазпочта» АЖ матбуот хизматига таяниб.

20 минг тираждаги «Хотира ва юбилей саналари» туркумидаги маркалар аллақачон муомалага чиқарилди. Сиз уларни Қозоғистонда исталган почта бўлимида кўришингиз ва сотиб олишингиз мумкин.

Чиқарилган марка бирлаштирувчи шаклидаги иккита маркадан иборат. Ҳар бир почта маркасининг ўлчами 28 х 40 мм ва номинали 550 тенге. Маркаларни яратишда ултрабинафша бўёқ билан ҳимоя элементлари, лак ва олтин фолга билан бўрттирма ишлатилган. Бренд дизайн муаллифи - Фераз Дваги (БАА), дизайнер - Инкарим-ай Онғарбай (Қозоғистон).

«Қазпочта» АЖ ва Emirates Post самарали ҳамкорлик тажрибасига эга. 2015 йилда миллий почта хизматлари Қозоғистон ва БАА ўртасидаги муносабатларни ривожлантиришга бағишланган қўшма почта маркасини чиқарди.

Умуман олганда, бу йил «Қазпочта» АЖ «Хотира ва юбилей саналари», «Космос» ва «Фауна» туркумидаги 13 миллиондан ортиқ почта маркаларини чиқаради.

Теглар:

Жамият Мустақиллик байрами Асосий янгилик Мустақиллик

Сўнгги хабарлар

Кўпроқ янгиликлар бизнинг Telegram каналимизда!