Қозоғистонлик спортчилар кикбоксинг бўйича жаҳон чемпионатида 6 олтин, 1 кумуш ва 10 бронза медалини қўлга киритди
15-24 октябр кунлари Италиянинг Лидо-ди-Йезоло шаҳрида кикбоксинг бўйича катталар ўртасидаги жаҳон чемпионатида 65 мамлакатдан 1600 га яқин спортчи иштирок этди. Қозоғистон терма жамоаси Апеннин ярим оролида бўлиб ўтган ушбу нуфузли мусобақада 6 та олтин, 1 та кумуш ва 10 та бронза медалини қўлга киритди.
Чемпионлар: Динмуҳамед Баймуратов, Ерлан Шағбан, Мақсат Усип, Фазледдин Сафаров, Нурсултан Жумабаев, Нурдаулет Қалшора.
Кумуш медал совриндори: - Азамат Утемисов.
Бронза медал соҳиблари: Серикбол Ермеков, Батирхан Қуандиқов, Ариза Сманова, Дулат Дуйсенов, Жандос Назарбеков, Чингизхан Тлемисов, Берик Халиков, Бибарис Сауханбек, Одил Мирзағали, Дидар Тулебаев.
Қозоғистон терма жамоасини бу ютуқлари билан ҚР Маданият ва спорт вазири А.Раймқулова табриклади.
