Қозоғистонда жорий йилнинг биринчи ярмида 6,6 миллион квадрат метр уй-жой фойдаланишга топширилди
Бу 56 минг квартира деганидир. 2021 йилда барча ҳудудларда уй-жойларни фойдаланишга топшириш ҳажми ошди.
Атирау (188,1%), Қостанай (120,9%), Жамбил (114,9%), Шарқий Қозоғистон (110,5%) ва Қарағанди (110%) вилоятлари етакчилик қилмоқда.
Жорий йилда «Нұрлы жер»(Нурли замин) дастури асосида 17 миллион квадрат метр янги уй-жой ёки 163 минг квартира қуриш режалаштирилган. Давлат инвестициялари ҳисобидан 1,4 миллион квадрат метр уй-жой ёки 48,3 минг квартира қурилади.
«Нұрлы жер» дастурининг мақсади - уй-жойларнинг арзонлиги ва қулайлигини ошириш ҳамда уй-жой инфратузилмасини ривожлантириш.
Бунинг учун қуйидаги механизмлардан фойдаланилади:
* ипотека кредитларини субсидиялаш,
* қурилишчиларнинг қарзларини субсидиялаш,
* қурилиш майдонларида, шу жумладан якка тартибдаги қурилиш майдонларида муҳандислик-техник инфратузилмани жалб қилиш.