Қозоғистонда тадбиркорларга етказилган зарарни қоплаш учун ариза қабул қилиш бошланди

None
None
ALMATY. Кazinform - «Атамекен» Миллий тадбиркорлар палатаси InfoKazakhstan.kz платформасида тадбиркорларга етказилган зарарни қоплаш учун электрон аризаларни қабул қилишни бошлади, дея хабар беради Кazinform мухбири.

«Атамекен» Миллий тадбиркорлар палатаси маълумотларига кўра, ушбу чора Ҳукумат томонидан 2022 йил январ ойида тасдиқланган айрим ҳудудлардаги тартибсизликлар оқибатида кичик ва ўрта бизнесга етказилган мулкий зарарни қоплаш механизмига мувофиқ амалга оширилади.

Эслатиб ўтамиз, зарарни қоплаш тўғрисидаги ариза электрон рақамли имзо ёрдамида InfoKazakhstan.kz сайти орқали топширилади.

Механизмга кўра, зарарни қоплаш тўғрисидаги аризалар ҳудудий комиссиялар томонидан 5 календар кун ичида кўриб чиқилади.

Мурожаат қаноатлантирилган тақдирда, тақдим этилган маълумотлар ва ҳужжатлар асосида ҳудудий комиссия томонидан белгиланган миқдорда маблағ ажратиш тўғрисида қарор қабул қилинади.

Маблағлар аризачининг жорий ёки жамғарма ҳисобварағига мулк эгасининг аризасида кўрсатилган тегишли қарор қабул қилинган кундан бошлаб бир ой ичида Қозоғистон Республикасининг бюджет тартиб-қоидаларига мувофиқ ўтказилади деб тахмин қилинади.

«Жабрланган тадбиркорлар диққатига! Зарарни қоплаш учун ариза беришдан олдин, илтимос, ушбу ҳаволага ўтинг ва кўрсатмаларни ўқинг, шунингдек, керакли ҳужжатлар тўлиқ эканлигига ишонч ҳосил қилинг. Ҳужжатлар тўплами тўлиқ тақдим этилмаган тақдирда, ҳудудий комиссия мулкий зарарни қоплашни рад этиш тўғрисида қарор қабул қилади. Тадбиркорларга қулайлик яратиш мақсадида «Атамекен» МТП зарарларни қоплаш бўйича ҳаракатлар алгоритмини ишлаб чиқди. У зарарни қоплаш учун ариза бериш босқичларини тавсифлайди «, - дейилади «Атамекен» МТП баёнотида

Муаллиф: Алма Муқанова


Сўнгги хабарлар