Қозоғистонда саноат маҳсулотлари 21,7% фоиз арзонлашди

Нархлар тоғ-кон саноатида 36 фоизга, қайта ишлаш саноатида 0,2 фоизга пасайди. Саноат маҳсулотлари 21,7 фоизга, саноат хизматлари 2,9 фоизга арзонлашган.

«Сўнгги бир ой ичида мазут ишлаб чиқарувчи корхоналар нархларни 50,7% пасайтирди, нефть - 46,7%, суюлтирилган пропан ва бутан - 23,2% га, бензин - 10,5%, дизел ёқилғиси - 6,8% арзонлашган бўлса, металл рудаси – 12,3%, табиий газ - 5,3%, кўмир - 1,3% қимматлашди. Рухнинг нархи 16,7% га, қўрғошин - 11,6% га, алюминий - 9,4% га, мис - 6,3% га, қора металлар прокати - 3,6% га, қимматбаҳо металлар 11,8% га қимматлашди», - дейилади хабарда.

Ёрма маҳсулотларининг нархи 9,6% кўтарилган, буғдой уни - 8,8%, қорабуғдой уни - 5,7%, мол гўшти - 6,8%, парранда гўшти - 2,3%, чой - 6,4%, макарон маҳсулотлари - 5,5 фоиз, гуруч - 5,1 фоиз, шакар - 4,9 фоиз, сут маҳсулотлари - 3,4 фоиз, кунгабоқар ёғи - 3 фоиз, нон - 2,8 фоиз қимматлашган.