Қозоғистонда қандай товарларни чет элга олиб чиқиш тақиқланади
20 Май 22:55

Қозоғистонда қандай товарларни чет элга олиб чиқиш тақиқланади

ÓSKEMEN. Кazinform - Шарқий Қозоғистон давлат даромадлари департаменти раҳбари ўринбосари вазифасини бажарувчи Руслан Нурлибеков Шарқий Қозоғистон ҳудудий ахборот марказида бўлиб ўтган матбуот анжуманида қайси товарларни мамлакатдан олиб чиқиш тақиқлангани ҳақида маълум қилди, деб хабар беради Kazinform мухбири.

Жорий йилнинг 1 январидан Қозоғистон Республикасининг Солиқ кодексига киритилган қатор ўзгартиришлар кучга кирди.

«Қозоғистон Республикаси Солиқ кодексининг 444-моддаси 7-бандига мувофиқ, солиқ органлари Евроосиё иқтисодий иттифоқи ҳудудидан Қозоғистонга товарлар олиб киришда солиқ миқдорини қонун ҳужжатларида белгиланган тартибда тузатишга ҳақли. Импорт учун энг кам нарх даражаси қўлланиладиган айрим турдаги товарлар рўйхати тасдиқланади. Бугунги кунда рўйхатга фақат бир қатор алкоголли ичимликлар киритилган», — деди у.

Мамлакатнинг иқтисодий хавфсизлиги учун айрим товарларни экспорт қилиш тақиқланди.

«Қозоғистон Президентининг 14 мартдаги Фармони билан 10 минг АҚШ долларидан ортиқ маблағни мамлакат ҳудудидан олиб чиқиш тақиқланган. Шунингдек, 5, 10, 20, 50 ва 100 граммлик тозаланган олтин қуйма ва Миллий банк томонидан муомалага чиқарилган ALTYN BARYS олтин ва KYMIS BARYS кумушдан ясалган инвестиция тангаларини, оғирлиги 100 граммдан ортиқ тозаланган олтинни олиб чиқиш тақиқланади. Индустрия ва инфратузилмаларни ривожлантириш вазирининг 21 апрелдаги буйруғи билан алюминий, қўрғошин чиқиндилари ва парчалари, аккумулятор чиқиндилари ва парчалари, таркибида қўрғошин ва кадмий бўлган бошқа чиқиндиларни олти ой муддатга экспорт қилиш чекланди», — деди Руслан Нурлибеков.

2022 йил 22 январдан бошлаб олти ой давомида Қозоғистондан тирик қорамол, қўй ва эчкиларни олиб чиқишга рухсат берилмайди. Бундан ташқари, шакар экспорти ҳам тақиқланган.

Муаллиф: Талғатжан Мухаметбекули

Янгиликлар

Архив