Қозоғистонда имтиёзли фоиз билан 19 мингга яқин оила уй олишди

None
None
NUR-SULTAN. Kazinform – Қозоғистонда «7-20-25» ипотека уй-жой дастури бўйича 19 мингга яқин ариза қабул қилинди. Бу ҳақда Қозоғистон Миллий банки маълум қилди, деб хабар беради Kazinform.

«2020 йил 4 июнь ҳолатига кўра, «7-20-25« дастури бўйича, кредит олиш учун топширилган жами 366,31 миллиард тангалик 32 009 та ариза қабул қилинди. Натижада 216,52 миллиард танга миқдоридаги 18 769 та кредит аризаси маъқулланди», - дейилади хабарда.

Таъкидлаб ўтамиз, Қозоғистонда аҳолининг кенг қатламларини, айниқса номида турар жойи бўлмаган одамларни уй билан таъминлаш мақсадида дастлабки взноси 20 фоиз, йиллик ставкаси 7 фоиз бўлган имтиёзли кредитлаш дастури амалга оширилмоқда.

Қозоғистонликлар 7-20-25 дастури бўйича кунига 24 соат давомида + 7 (727) 227-20-25 рақамларига қўнғироқ қилиб, Қозоғистон Барқарорлик фонди билан боғланишлари мумкин. Қўшимча маълумотлар ипотека компаниясининг расмий веб-сайтида ҳам мавжуд.
Сўнгги хабарлар