Қозоғистон ва Туркия мудофаа соҳасидаги ҳамкорликнинг янги йўналишини муҳокама қилишди

Музокараларда Қозоғистон томони номидан Бош штаб радиация, кимёвий ва биологик ҳимоя ҳамда экологик хавфсизлик бошқармаси бошлиғи, подполковник Ержан Қулмағамбетов иштирок этди.

«Бугунги кунда бу йўналиш давлатларимиз учун жуда долзарбдир ва бу соҳадаги ҳамкорликни ташкил этиш, бизнинг фикримизча, мамлакатларимизнинг мудофаа қудратининг ҳолатига ижобий таъсир кўрсатади», - деди у.

Подполковник Ержан Қулмағамбетовнинг сўзларига кўра, бугунги кунда асосий устувор вазифа қўшинларнинг уруш пайтида ҳам, тинч вақтда ҳам вазифаларни бажаришга тайёрлигини ошириш мақсадида Қозоғистон Қуролли Кучларининг радиация, кимёвий ва биологик ҳимоя тизимини ишлаб чиқиш ва модернизация қилишдир.

Томонлар мутахассисларни тайёрлаш, жанговар тайёргарлик жараёни ва бўлинмаларни техник жиҳозлаш бўйича ўзаро алоқаларнинг истиқболли йўналишларини муҳокама қилишди.

Радиация, кимёвий ва биологик ҳимоя Қозоғистон ва Туркия мудофаа идоралари ўртасидаги ҳамкорликнинг янги соҳаси бўлиб, уни ривожлантириш зарурати ҳозирги замон билан боғлиқ. РКБҲ қўшинларига бўлган талабни коронавирус инфекцияси пандемияси кўрсатди, бунда ҳарбий хизматчилар ижтимоий аҳамиятга эга бўлган объектларни дезинфеция қилиш вазифаларини бажаришди.