Қозоғистон ва Қирғизистон савдо ҳажмини 2 млрд долларга оширади
«Биз бир қатор келишувларга эришдик. Савдо-иқтисодий алоқаларни мустаҳкамлашга эътибор қаратдик. Биласизки, ҳозир дунёда вазият мураккаб. Бундай қийин даврда сафарбар этиш жуда муҳим. Қозоғистон Қирғизистоннинг асосий савдо ва сармоявий шерикларидан биридир. Ўтган йили ўзаро товар айирбошлаш ҳажми 1 миллиард долларга етди. Қозоғистон сўнгги 15 йил ичида Қирғизистонга 1 миллиард доллардан ортиқ сармоя киритди. Улар орасида ижтимоий аҳамиятга эга лойиҳалар ҳам бор. Умуман олганда, бизда иқтисодий интеграцияни янада ривожлантириш имкониятлари мавжуд. Биз яқин келажакда товар айирбошлаш ҳажмини 2 миллиард долларга оширишга келишиб олдик», - деди Қасим-Жомарт Тоқаев.
Аввал хабар қилинганидек, Қасим-Жомарт Тоқаев Қирғизистонга расмий ташриф билан келди. Қирғизистон Президенти «Оқ кема»нинг мармар чодирида Қасим-Жомарт Тоқаевни расман кутиб олди. Қасим-Жомарт Тоқаев ва Садир Жапаров оммавий ахборот воситалари учун брифинг ўтказди.