Қозоғистон сайлов жараёнини тўлиқ рақамлаштириши мумкинми

«Келажакда сайлов участкаси рўйхатидан чиқиш ва бошқасида рўйхатдан ўтишни электрон тарзда амалга ошириш осон, бу оддий жараён. Овоз бериш жараёнининг ўзига келсак, бу аниқ бир ой ичида амалга ошириладиган жараён эмас. Бунга ҳам технологик жиҳатдан тайёргарлик кўриш керак, ҳам Марказий сайлов комиссиясининг ўзи тайёрланиши керак. Жараёнларни бир неча томондан ўрганиш керак. Гап бу ерда нафақат овоз бериш жараёнининг ўзи ҳақида кетяпти», - деди Бағдат Мусин.

Унинг сўзларига кўра, сайловда кузатувчилар ҳам бўлади, уларни ҳам ўйлаш керак.

«Бизда бутун жараённи автоматлаштириш учун барча имконият бор. Аммо бунга узатувчилар қандай қарашади? Яъни, овоз бериш жараёнида бир нечта партиялар иштирок этади. Кузатувчилар бир одамнинг сайлов бюллетинини олиб, овоз бериб, урнага ташлаганини кўриб туришади. Агар у электрон шаклда бўлса, бу қандай ташкил қилинади? Бу ҳақда халқаро майдонда ҳали ҳам кўплаб мунозаралар бормоқда», - деди у.

«Биз, рақамли мутахассислар сифатида, бунга тайёрмиз. Аммо савол бошқа томонда - бутун жараённи тўлиқ рақамлаштирган ҳеч бўлмаса битта мамлакатни айтингчи? (...) Овоз бериш жараёнининг ўзига келсак, уни халқаро ёндашувлар нуқтаи назаридан ўрганиш зарур. Муаммони ҳар томонлама ўрганиш керак. Жараённинг ўзини электрон қилиш қийин эмас, унга ҳамма ишониши, бутун халқаро ҳамжамият тасдиқлаши керак, қийини шу», — дея вазир.

Муаллиф: Азамат Сиздиқбаев