Қозоғистон қишлоқ хўжалиги 2020 йилда ўсишни кўрсатди

Қишлоқ хўжалигида сезиларли ўсиш кузатилмоқда. 11 ой якунлари бўйича саноатнинг ялпи маҳсулоти қарийб 6 трлн тенгени ташкил этди, бу ўтган йилнинг шу даврига нисбатан 5,3 фоизга кўпдир. 15 та ҳудудда қишлоқ хўжалиги маҳсулоти ўсди. Улар орасида энг юқори натижаларни Қостанай, Ақмола ва Павлодар вилоятлари кўрсатди. Ушбу кўрсаткич асосан экинлар ҳосилдорлигини ошириш ҳисобига эришилди. Унинг умумий улуши 7,2 фоизни ёки 3 триллион 600 миллиард тенгени ташкил этади.

Бу йилги оғир вазиятга қарамай, Қозоғистонда қарийб 21 миллион тонна дон йиғиб олинди ва унинг сифати ўтган йилга нисбатан анча юқори.

Умуман олганда, Қишлоқ хўжалиги вазирлигининг маълумотларига кўра, буғдойнинг умумий ҳажмининг 80% 1-3 синфларга тўғри келади, 2019 йилда бу кўрсаткич 53% ни ташкил этди. Қозоғистонда 4 миллион тонна картошка, 4,3 миллион тонна сабзавот, 2,5 миллион тонна полиз экинлари ва 297,2 минг тонна пахта йиғиб олинди.

Чорвачилик ялпи маҳсулотининг ўсиши 2 триллион 300 миллиард тенгени ташкил этди. Шу жумладан гўшт ишлаб чиқариш 3,7 фоизга, сут - 3,2 фоизга ўсди.

Жорий йилнинг 11 ойида озиқ-овқат маҳсулотларини ишлаб чиқариш ҳажми 3,6 фоизга ёки 1 триллион 700 миллиард тенгега ошди. Масалан, гуруч ишлаб чиқариш 23,5%, сариёғ- 21,5%, колбаса - 11,8%, макарон маҳсулотлари - 8,1%, ун - 2,8%, пишлоқ ва творог ишлаб чиқариш 3,3% га ўсди.

Умуман олганда, қишлоқ хўжалигига сармоялар 4,7 фоизга ўсди - 454 миллиард 200 миллион тенгегача. Хусусан, озиқ-овқат маҳсулотларини ишлаб чиқаришга қўйилган инвестициялар ҳажми 18,6 фоизга ошди.

Муаллиф:Ақбота Кузекбай