Қозоғистон БМТнинг Осиё ва Тинч океани бўйича сессиясига раислик қилмоқда
ҚР Бош вазирининг ўринбосари - Ташқи ишлар вазири Мухтор Тлеуберди сессия раиси этиб сайланди, деб хабар беради ҚР Ташқи ишлар вазирлиги матбуот хизматига таяниб.
Сессиянинг очилишида М.Тлеуберди сўзга чиқиб, минтақанинг асосий муаммоларини баён қилди ва муаммоларни ҳал қилиш йўллари тўғрисида ўз фикрини билдирди.
«Осиё-Тинч океани минтақасидаги минтақавий ҳамкорлик доирасида «олдингисидан яхшироқ» инқироздан кейинги демократия тамойиллари асосида тикланиш» мавзусида бўлиб ўтган БМТ Осиё ва Тинч океани мамлакатлари учун иқтисодий ва ижтимоий комиссиясининг 77-сессиясининг юқори сегментида давлатлар ва ҳукумат раҳбарлари, Афғонистон, Озарбайжон, Бангладеш, Индонезия, Камбоджа, Қирғизистон, Мўғулистон, Покистон, Тожикистон, Таиланд, Ўзбекистон раҳбарлари, халқаро ташкилотлар раҳбарлари ва бошқа расмийлар баёнотлар билан чиқиш қилдилар.
Сессия иштирокчилари COVID-19 пандемиясига жавобан минтақавий ҳамкорлик ва алоқаларни ошириш масалалари, унинг ижтимоий-иқтисодий таъсири, шунингдек инқирозга чидамлилигини ошириш ва пандемиядан ижтимоий-иқтисодий тикланишни тезлаштириш йўлларига тўхталиб ўтдилар.
Бирлашган Миллатлар Ташкилотининг Осиё ва Тинч океани учун иқтисодий ва ижтимоий комиссияси 1947 йил март ойида ташкил этилган. Бош қароргоҳи Бангкокда жойлашган. Комиссия минтақавий ва субрегионал ҳамкорликни кучайтириш орқали Осиё-Тинч океани мамлакатларини ижтимоий-иқтисодий ривожланишига кўмаклашиш учун ишлаб чиқилган.