Қозоғистон 2023 йилга қадар дори-дармон экспортини тўрт баравар оширмоқчи
Бунга маҳаллий корхоналарда ишлаб чиқариш ҳажмининг кўпайиши сабаб бўлди. Масалан, «Химфарм» АЖ ишлаб чиқариш ҳажмини икки бараварга оширди. Бундан ташқари, компания сўнгги 2 йил ичида экспорт ҳажмини 2,5 баравар оширди. Бугунги кунда компаниянинг дори-дармонлари Марказий Осиё ва Европа Иттифоқи бозорларида катта талабга эга.
Маҳсулотлар Тожикистон, Туркманистон, Мўғулистон, Россия ва Қирғизистон каби мамлакатларга экспорт қилинади. Шунингдек, бу йил Ўзбекистон бозорини ҳисобга олган ҳолда экспорт ҳажмини икки баравар ошириш режалаштирилган. Бундан ташқари, энг муҳим ташаббуслардан бири бу Европа Иттифоқининг дори-дармон бозорига киришдир. Шундай қилиб, 2023 йилга келиб экспорт ҳажми 4 баравар, яъни 16 млрд тенгегача ошириш режалаштирилган.