Қостанайлик дўмбирачилар Гиннес рекордлар китобига кирди

Ўтган йили Қостанай вилоятида бўлиб ўтган Миллий Дўмбира кунида Амангелди туманида биринчи марта 1000 та дўмбира чолғулари иштирокида куй ижро этилганди. Ушбу ташаббус туман ҳокими Амирхон Асанов томонидан қўллаб-қувватланган.

Дўмбирачилар биргаликда Қурмангазининг «Балбырауын» ва «Келіншек» куйларини ижро этишди.

«Туманнинг ҳар бир овулидан келган дўмбира ижрочилари иштирок этди. Энг ёши бешинчи синф ўқувчисидан 90 ёшгача қатишган. Ўтган йилги тадбирга тайёргарлик бир неча ой давом этди. Турли овулардан келган клуб ходимлари, мактабларда дўмбира тўгаракларини бошқарадиган мусиқа ўқитувчилари фаол иштирок этдилар. Биз мақсадга эришдик, минглаб дўмбира чолғу куйларини муваффақиятли ижро этишди. Вилоятдаги таниқли санъаткор Олжас Қилдибаев 1000 та дўмбирачиларга дирижерлик этди. Аслида, 2019 йил май ойида ушбу ҳудудда «Қызғалдақтар фестивалинда» 500 нафар дўмбира чолғулари иштирок этишди. Ўша пайтда биз жуда яхши тайёргарлик кўрган эдик», - деди туман маданият ва тилларни ривожлантириш бўлими бошлиғи Сағинғали Сейдин.

Шундай қилиб, туман санъаткорларининг муваффақияти халқаро сертификат билан тасдиқланди. Сертификатда:

«Анъанавий қозоқ чолғу ижросидаги овул жойларда энг кўп сонли дўмбира чолғулари иштирокидаги пьесаси эди. Гиннес рекордлар китобига 1000 та ижрочи рўйхатга олинди. Рекорднинг ташкилотчиси: Қостанай вилояти, Амангелди тумани ҳокимияти», деб ёзилган.

Туманинг ички сиёсат бўлими бошлиғи Нурлибек Тажиннинг сўзларига кўра, воқеа видеотасвирга олинган ва халқаро ташкилотнинг Сочидаги идорасига юборилган.

Рекорд текширувчилар ҳужжатларни тўғрилигини текширдилар ва иштирокчиларни диққат билан санаб чиққан.