Коронавирус: Жаҳон иқтисодиёти кўрадиган зарар 2 триллион долларга етиши мумкин

Коронавируснинг кучайиши туфайли тўғридан-тўғри хорижий инвестициялар (тўғридан-тўғри инвеститсиялар) оқими камаяди. Бу ҳақда Бирлашган Миллатлар Ташкилотининг Савдо ва ривожланиш бўйича конференцияси (ЮНКТАД) маълум қилди. Ташкилот таҳлилчилари қимматбаҳо қоғозларга талаб ва тоғ-кон саноатига киритиладиган инвестицияларнинг кескин пасайишини башорат қилмоқда.

Аҳолиси юқумли касалликка чалиниш даражаси юқори бўлган, вирусга қарши радикал чоралар кўрилган, шунингдек, иқтисодиёти Хитой ишлаб чиқаришига бевосита боғлиқ давлатлар қаттиқ зарар кўради. Улар орасида Корея Республикаси, Япония ва Жануби-Шарқий Осиё мамлакатлари бор. Вазият, шунингдек, иқтисодий ўсишнинг бир фоизидан кўпини йўқотиши мумкин бўлган нефт ва хом нефтни экспорт қилувчилар учун ҳам оғир кечади.

Дастлабки прогнозларга кўра, коронавирус туфайли дунё иқтисодиётининг зарари 2 триллион долларга, ривожланаётган мамлакатларда эса 220 миллиард долларга етиши мумкин.

Мутахассисларнинг таъкидлашича, марказий банклар бу инқирозни бартараф эта олмайди ва катта бюджет харажатларига муҳтож бўлади.

ЮНКТАД экспертларининг таъкидлашича, коронавируснинг урчиши тўғридан-тўғри чет эл инвестицияларининг глобал оқимига салбий таъсир кўрсатмоқда. Илгари, улар тўғридан-тўғри инвестициялар 2020-2021 йилларда сезиларли даражада ошишини тахмин қилишганди. Аммо ҳозирда, коронавирус туфайли инвестицияларидан келадиган даромад 5-15 фоизга камайиши мумкин дея тахмин қилинмоқда.